المشاركات

عرض الرسائل ذات التصنيف ادويه

قرحة الفم القلاعيه

صورة
عارفين البتاعه المزعجه دي ؟ اكيد في ناس منكم مجربنها و عارفين اد ايه هي رخمه  ندخل في المهم .. دي اسمها قرحة الفم القلاعيه بتظهر تحت اللسان زي اللي في الصوره  و النوع ده من القرح بيحصل نتيجة عض اللسان و لما بناكل اكل ممكن يجرح اللسان. لكن لو الاصابه بيها بتحصل بشكل متكرر ده بيكون بسبب التعرض لضغط او توتر او تغير في الهرمونات. ممكن نتغلب على الالام بتاعتها عن طريق المسكنات لحد ما تخف و هي عادة بتروح من غير ادويه و بتستمر من اسبوع لأتنين كده اقصى.  ❤❤stay safe.. stay tuned 

حد فيكم متابع كوري او ياباني؟ يلا بينا نشوف بياكلوا ايه !

صورة
الطحالب او الاعشاب البحريه زي ما بيقولوا! جربت قبل كده تاكل طحالب ؟ الطحالب تعد من اهم الوجبات  الغذائيه في الموجوده في اسيا زي كوريا و الصين و اليابان. الطحالب معروف عنها انها مصدر غني جدا بالنسبه لكل حاجه تقريبا .. اللي لسه  ميعرفش منكم الطحالب و استخدامتها فهي كتير  جداً .. منها مثلا انها مصدر  لعناصر طاقه كتيره زي الهيدروجين الحيوي و البيوديزل و غيرها، و هي مصدر استخراج الصبغات المختلفه و اللي طبعا بتكون طبيعيه مش زي الالوان الصناعيه، من ناحية استخدامها في الغذاء فثلاً طحلب Spirulina هو  طحلب  بيتميز ان نسبة البروتين فيه بتصل 60% من وزنه الجاف و دي نسبة بروتين اكبر بمراحل من الموجوده في اللبن او  البيض او غيرها من المصادر الغذائيه!! مش بس كده الطحلب ده كمان بيحتوي على فيتامينات و عناصر معدنيه مهمه لجسم  الانسان. بجانب استخدام الطحالب كغذاء بتستخدم كمصدر لصناعة الادويه اللي بيصعب انتاجها من الحيوانات و النباتات لأن سعرها عالي. الزيوت المهمه لجسم الانسان و شعره و بشرته زي اوميجا-3 و ده زيت موجود في الاس...