المشاركات

عرض الرسائل ذات التصنيف جبنه

الالبان و منتجاتها من ناحية الميكروبيولوجي.

صورة
هنتكلم عن التغيرات اللي بتحصل في اللبن و اسبابها: اولا: الطعم المر اللي في اللبن و ده بيبقى في حالتين .. الاولى اثناء عملية حلب اللبن الحاله التانيه بتحصل في الشتاء اكتر من الصيف و ده لما بنسيب اللبن لمدة اكتر من 12 ساعه لان البكتيريا اللي بتسبب مرارة اللبن بتنمو اسرع من البكتيريا اللي بتسبب حمضيته و السبب في ده بيكون الهواء الموجود في حظيرة البقر او الجاموس او الاوعيه اللي بيتم استقبال اللبن فيها و اللي بتكون مش نضيفه. ده كمان بيحصل في القشده و نتيجه لكده مش بتتحول لزبده بسهوله لان حبيبات الدهون بتكون مش سهل انها تتجمع و تديني الشكل الصلب بتاع الزبده. ممكن نتغلب على المشكله دي من خلال استخدام باديء و اللي ممكن يتعمل في البيت بأستخدام اللبن منزوع الدسم نظيف و نسيبه على درجة 80 فهرنهايت و لو في مزرعة باديء جاهزه و صالحه للأستخدم بيكون افضل. ✌️ طيب ايه هو الباديء؟؟ 🤔 الباديء هو مزرعه من بكتيريا Lactic acid bacteria و هي اكتر من نوع من البكتيريا في منه اللي بنميه على درجة حراره متوسطه و في اللي بنميه على درجة حراره عاليه و على اساس المقاييس دي بتختلف المنتجات اللبنيه...

مين بياكل جبنه؟! اقصد مين مش بياكلها؟ الجبنه و السرطانات هنا يلا نشوف !

سلام عليكم ^^ موضوع النهارده هيكون عن حاجه بناكلها من صغرنا و لحد ما كبرنا! فطار و عشاء و لو طلبت غداء كمان مفيش مشكله خالص.! (( الجبنــــــــــه )) .. مين مننا مبياكلش تقريبا كل يوم جبنا ؟؟ اعتقد هيبقى عدد قليل بحسب موقعين هكتبلكم مصدرهم في اخر الموضوع فالجبنه الرومي و البيضاء احد اهم اسباب اصابة المصريين بالسرطانات !!!!!!!!!! تعالوا نشوف الجبنه الرومي : بحسب كلام دكتور محمد الحوفي و هو مشرف جوده في احد المعامل الموجوده في مصنع جبنه .. فهو بيقول انه للأسف مفيش اي جبنه رومي في مصر صالحه للأكل. بغض النظر عن كمية الاحماض الدهنيه العاليه فيها الا ان المشكله الاكبر بتحصل اثناء تخزين الجبنه لمدة شهور علشان تاخد الطعم و النكهه بتاعتها . اللي بيحصل انه الارفف اللي بتتخزن عليها الجبنه بتكون غير نظيفه بالمره. طيب ازاي؟؟ هقولك ... اثناء تمليح الجبنه .. الماء المملح بينزل على الارفف اللي بتتخزن عليها الجبنه و يدمص في الارفف الخشبيه دي (بيئه مناسبه لنمو اي حاجه انت مش عايزها)   فبالتالي بتنمو فطريات و بكتيريا و بعد كده الفطريات تتخلل الجبنه المتخزنه ع...

أخــطر الأكلات على صحتك و صحـة عائلتـك

صورة
الليستريا ..  ايه هي لليستريا و ايه هي اعراضها ؟؟؟ في نوع من البكتيريا اسمه Listeria monocytogenes و اللي بيسبب مرض اسمه Listeriosis  و النوع ده من البكتيريا بيتنقل للأنسان عن طريق الاكل الملوث. في احصائيات بتقول انه انه كل سنه بيصاب 1600 شخص بالمرض ده منهم 260 شخص بيتوفوا ! طيب ده بيخلينا لازم نعرف ايه هي اعراض المرض ده و  الاكل اللي ممكن يكون ملوث بالبكتيريا دي و نحاول نقلل منه او نجيبه من مصدر موثوق و كمان لازم نعرف مين اكتر الفئات من الناس عرضه لأنهم يصابوا بالمرض ده .. مبدئياً خلينا نوضح الاول مين اكتر الناس عرضه للأصابه و هما النساء الحامل و الاطفال حديثة الولاده و الاشخاص اللي مناعتهم ضعيفه و كمان الناس اللي سنها غالبا عدي 65 سنه. طيب ايه هي الاعراض؟ للنساء الحامل الاعراض بتكون شبه نزلات البرد زي الصداع و ألم في عضلات الجسم او حمى و ممكن الاعراض تبقى اخطر و تتحول لأجهاض او ولادة الطفل قبل ميعاده او موت الطفل او لو كان عايش بتبقى حياته في خطر بسبب انتقال العدوى ليه. للأشخاص التانيه الاعراض بتكون صداع، توتر، اختلال توازن، الالام...