حد فيكم متابع كوري او ياباني؟ يلا بينا نشوف بياكلوا ايه !
الطحالب او الاعشاب البحريه زي ما بيقولوا!
جربت قبل كده تاكل طحالب ؟ الطحالب تعد من اهم الوجبات الغذائيه في الموجوده في اسيا زي كوريا و الصين و اليابان.
الطحالب معروف عنها انها مصدر غني جدا بالنسبه لكل حاجه تقريبا .. اللي لسه ميعرفش منكم الطحالب و استخدامتها فهي كتير
جداً .. منها مثلا انها مصدر لعناصر طاقه كتيره زي الهيدروجين الحيوي و البيوديزل و غيرها، و هي مصدر استخراج الصبغات
المختلفه و اللي طبعا بتكون طبيعيه مش زي الالوان الصناعيه، من ناحية استخدامها في الغذاء فثلاً طحلب Spirulina هو
طحلب بيتميز ان نسبة البروتين فيه بتصل 60% من وزنه الجاف و دي نسبة بروتين اكبر بمراحل من الموجوده في اللبن او
البيض او غيرها من المصادر الغذائيه!! مش بس كده الطحلب ده كمان بيحتوي على فيتامينات و عناصر معدنيه مهمه لجسم
الانسان. بجانب استخدام الطحالب كغذاء بتستخدم كمصدر لصناعة الادويه اللي بيصعب انتاجها من الحيوانات و النباتات لأن سعرها عالي.
الزيوت المهمه لجسم الانسان و شعره و بشرته زي اوميجا-3 و ده زيت موجود في الاسماك بس الحقيقه ان الاسمااك نفسها مبتقدرش تخلق النوع ده من الزيوت في جسمها و لكن الاسماك بتتغذى على الطحالب و الطحالب هي اللي بتكون النوع ده من الزيوت و في الاخر الزيت بيوصل لينا عن طريق اكل الاسماك !!
!!!Amazing world.. right
تعليقات
إرسال تعليق