المشاركات

عرض الرسائل ذات التصنيف Micro History

بكتريا اكله للكهرباء

صورة
كام حد هنا كان بيتفرج ع القناص بتاع قد لمعت عيناه كان فيه شخصيه اسمها كيلو بتتحكم ف الكهربا تخيلو ان مش بس ف الكرتون و الانمى فيه ابطال ليهم القدره على التحكم ف الكهربا البكتريا كمان اى نعم مش بتحارب بيها قوى الشر و لا بتعمل فرووووم بس هى بتتغذى عليها ف دراسة اتعملت على بكتريا من الينابيع الساخنه و البحيرات المتجمده يعنى البيئات الفقر خالص لقوا ان البكتريا بتتغذى على الالكترونات اللى موجوده على المعادن و الصخور و بتاخدها تاكلها و تتنفسها (تدخل فى دورة التنفس يعنى) و انهم لما حطو البكتريا معاها حتة حديده البكتريا نمت على الحديده و بكده بقت البكتريا سوبر هيرو :D

ازاى ابحث و اقرا مقال علمى ؟؟

صورة
البحث ف النت سهل و صعب من كلمة واحده بتقدر تشوف نتايج كتييييير بس مش كلنا بنعرف نبحث بصو انا هنا هقولكم ازاى انا ببحث :D بخبرتى المتواضعه جدا اولا ندخل ع الموضوع ده اللى فيه لينكات المواقع بتاعت الابحاث مواقع مهمه للابحاث انا لما باجى ابحث بحب موقعين الاول الباحث العلمى من جوجل لانه اسهل و التانى الEKB بنك المعرفه المصرى لان عليه مواقع كتير موثقه الاول هنتكلم عن الباحث العلمى (انا هتكلم ان حد ميعرفش ازاى بيبحث خالص) احنا هنضغط ع اللينك و نستنى 5 ثوانى لحد ما الاعلانات تخلص لو فيه اعلانات  و نعمل تخطى الاعلانات المهم لما ندخل على الباحث العلمى هتظهر زى جوجل عادى خالص بس مكتوب الباحث العلمى هنكتب الكلمات بتاعت البحث بتاعتنا الافضل تكون انجليزى لان هو ده اللى هتلاقى فيه الحاجات اللى عايزها للاسف و هتظهر الصفحه دى من الجنب اللى متعلم عليه بالاخضر ده بنختار احنا عايزين من سنة كام لحد كام كل ما كان البحث جديد كل ما كان احسن و نختار بقى البحث اللى شايفينه احسن نيجى بقى للEKB ده لازم الاول تسجل فيه فهندخل   بنختار عربى لو عايزين و لو هنكمل انجلش بنختار register او ...

جرثومة المعده Helicobacter pylori

صورة
*قاعدين ف محاضره* الدكتور بيحكى قصه عالم هو و صاحبه عشان يثبتو ان مرض ما سببه بكتريا مش الاكل راح شرب مستعمره بكتريا *بتصحى من النوم ع القصه المقرفه دى * هو اللى قاله ده بجد ولا هو بيضحك علينا :O طب ايه المرض ده :O وايه العك ده :O وانا دخلت الكليه ليه؟ و ماما عامله اكل ايه النهارده :D المرض ده اسمه جرثومة المعده المرض اللى لما بيتطور بيعمل قرحة المعده (يارب الاء متشوفش البوست :D ) المرض ده كان الكل فاكرين ان سببه البهارات و التوابل لكن اتنين صحاب المانين كانو بيعملو بحث و مصممين ان سببه بكتريا و الكل عارضهم عشان المعده وسط حامضى قوى وصعب البكتريا تعيش فيها , راح مارشال شرب البكتريا :D و فضل مصمم ع موقفه لحد ما مراته قالتله خد مضاد حيوى و خلصنا ريحة فمك وحشه ( حتى اشجع الشجعان بيخاف من مراته ) و لما خد المضاد الحيوى فعلا خف و مبقاش عنده اى مشاكل و ده كان اثبات ان سبب المرض هو البكتريا . طب انهى بكتريا دى بقى ؟ Helicobacter pylori او الملوية البوابيه دى بكتريا عصويه قصيره سالبه لجرام و بتحتاج اكسجين قليل جدا و كمان بتتحمل الحموضه و عندها حزمة فلاجيلا ف جنب...

تاريخ الفيرولوجى : انفوجرافيك الجزء الاول

صورة
انفوجرافيك لتاريخ علم الفيروس  روابط المواضيع اللى قولنا عليها (دوس على اسم العالم و استنى 5 ثوانى): لويس باستير روبرت كوخ دمتم بخير و سعاده لو هتنقلو الانفوجراف متنسوش تقولو المصدر اللى هو صفحتنا ع الفيس و المدونة 😊😍

لويس باستير : صحتك فى العلبة دى

صورة
لويس باستير ازيكم :D عارفين مين ده (اكيد طبعا مانا كاتبه اسمه) الراجل ده ربنا جعله سبب لحاجات كتير اوى تعالو لما نعرف هو مين من الاول :D لويس باستير (او لوى باستور بالفرنساوى و قولوها وانتو قرفانين كده ) ده عالم ميكروبيولوجى و كيمياء و بيولوجى (3فى 1) فرنسى طبعا اتولدت 27 ديسمبر 1822 و مات فى 28 ديسمبر 1895 يعنى و هو 72 سنه و يوم :( كان عيلته فقيره و هو كان متوسط فى التعليم بيحب الرسم و الصيد اكتر (فاشل يعنى :P ) بعد كده سنه 1840 اتخرج من الجامعه الملكيه فى بيسانسون ببكالوريوس اداب و المفروض انه كان يكمل تدريس ف الجامعه لجانب انه يدرس علوم و رياضيات خاصة بس سقط فى اول امتحان 1841 و بعدها قدر ينجح فى العلوم العامه من جامه دايجون بدرجة متوسطه فى الكيمياء و بعدها دخل مدرسة نورمال سوبيريور بس قرر انه يدخلها السنه اللى بعدها لان درجاته كانت قليله جدا و قرر يدرس ف مدرسة بينسون بابرت عشان يستعد و خد دروس فى مدرسة سانت لويس و محاضرات فى السوربون (اللى كانت ف قصة طه حسين :D ) و قدر سنه 1943 انه ينجح و بدرجه عاليه كمان و خد ماجيستير فى العلوم و بعدها بقى استاذ فيزياء فى جامعه...

روبرت كوخ : ابو الميكروبيولوجى الحديث

صورة
روبرت كوخ روبرت هينيريش هيرمان كوخ , او روبرت كوخ للاختصار, يعتبر هو المؤسس للبكترولوجى الحديث دكتور و عالم ميكرو المانى لو بدانا نقول هو عمل ايه مش هنخلص هنحاول نختصر ع اد ما نقدر من غير ما نقلل من قدره :D اتولد سنه 1843 فى 11 ديسمبر و علم نفسه ازاى يقرا و يكتب قبل المدرسه بمعنى اصح كان عبقرى, لما اتم 19 سنه و دخل الجامعه اتخصص ف العلوم الطبيعية و بعد سنه و نص قرر انه يغير التخصص للطب وهو فى الترم الخامس (يعنى بعد سنتين و نص من دخوله للطب) ساعد عالم اسمه جايكوب هنيل( و ده عالم تشريح وعنده نظرية عن العدوى ), ساعده فى مشروع عن تركيب العصب الرحمى, بعدها هو بدا يعمل ابحاثه الخاصه و بدائها ببحثه عن افرازات حمض السكسينيك و اللى كانت الاساس لاطروحتة لبحث بعد كده و اتخرج سنه 1966 بمرتبة الشرف طب هو عمل ايه ؟ هو اكتشف الميكروب المسبب للجمره الخبيثه اللى هو  Bacillus anthracis  و هو ميكروب عصوى موجب لجرام متجرثم , و هو اللى اكتشف انه بيكون جرثومه و ان الجرثومه دى بتقدر تستحمل بلاوى و تحت الظروف الملائمه الجرثومه دى بتكبر تانى و بتبقى بكتريا تانى قادره على العدوى , و بكده هو...

تاريخ الميكروبيولوجى

السلام عليكم اخباركم احنا قولنا اننا هنتكلم عن الميكروبيولوجى (microbiology) طب ايه هو الميكروبيولوجى هو علم بيدرس الاحياء الدقيقه جاى من الكلمه الاغريقيه μῑκρος اللى هى ميكروس او صغير و βίος اللى هى بيوس او حياه وλογία اللى هى ايلوجيا او علم يعنى ع بعضهم علم الحياه الصغيره :D اللى هى بتتكون من خليه واحده او عدة خلايا و العلم ده بيتقسم لحاجات كتير زى الفيرولوجى و البرتوزولوجى و الميكولوجى تاريخ العلم: قديما: زمان قبل الميلاد الناس استخدمت البكتريا عشان الخبز و التخمير بس اول ناس اقترحو ان الموضوع ان فيه حياه دقيقه كانو الجاينيه (احد الديانات موجوده من القرن 6 قبل الميلاد), بعد كده ماركوس تيرينتيوس فارو قال ان فيه الشخص يبقى واخد باله لما يحدد مكان فى المستنقعات العصور الوسطى : فى الحضاره الاسلاميه فيه علماء اتكلمو عن الاحياء الدقيقه زى ابن سينا فى كتاب القانون فى الطب , و بن زهر اللى اكتشف الجرب  و الرازى اللى من اول الناس اللى وصف الجدرى فى كتاب الحاوى العصر الحديث: حاجه صغيره مبتتاشفش هدرسها ازاى ؟ لما ليفنهوك اخترع الميكروسكوب ده فتح مجالات كتير اوى للبح...