الفيروسات المسببه للسرطانات
الفيروسات المسببه للسرطانات
صباح الخير 😃
كل سنه و انتم طيبين .. و يارب تكونوا بخير
يلا بينا نبدأ موضوع النهارده 😉👇👇
هنتكلم بشكل ملخص عن الفيروسات اللي بتسبب السرطانات و لو محتاجين معلومات بشكل مفصل عنها اكتبولنا و احنا هنوفرها ان شاء الله ✌️😉
* أولاً: خلينا متفقين ان اي حاجه تقدر تغير في جينوم الكائن الحي الراقي بتكون ليها سبب كبير في إحداث سرطان للكائن ده .
* ثانياً: تم اكتشاف ان الأماكن اللي ليها القدره على تحفيز السرطانات في جينوم الكائن تسمى Oncogenes بينما الفيروسات نفسها اللي ليها القدره على احداث السرطانات تسمى Oncogenic vriruses .
*ثالثاً: الفيروسات المسببه للسرطانات بيكون ليها القدره على على إدماج الحامض النووي الخاص بيها مع الحامض النووي للعائل و بيتضاعف معاه عادي جداً لحد ما يغير من سلوك سلوك الحامض النووي بتاع العائل و يسبب الأورام او السرطانات .
*رابعاً: الفيروسات المسببه للسرطانات قد يكون الحامض النووي الخاص بها DNA و بالتالي بتندمج على طول مع ال DNA الخاص بالعائل (لأنه نفس نوع الحامض النووي) و دي مثال عليها مجاميع زي Adenoviridae - Herpesviridae او قد تكون الفيروسات دي الحامض النووي بتاعها RNA و دي علشان تعمل تغير في ال DNA الخلوي لازم يتحول من RNA الى DNA عن طريق انزيم اسمه Reverse transcriptase و بعد كده بيندمج مع الحامض النووي بتاع العائل و مثال عليها مجموعة Reteroviridae .
*خامساً: الخليه السرطانيه شكلها بيختلف عن الخليه العاديه في ان الأولى شكلها بيكون اقل في الدوران و ان اعداد و اشكال الكروموسومات فيها بيكون غير طبيعي على عكس الطبيعيه .
*سادساً: الاصابه الفيروسيه المسببه للسرطانات ممكن منقدرش نشخصها الا بعد مده طويله من (بدأ الاصابه بالفيروس) و ده لعدة اسباب منها : ان جزيئات الفيروس ممكن تدخل العائل بس متعملش تحفيز لأحداث سرطانات، او لأن اصلاً السرطانات اعراضها مش بتظهر بسرعه على عكس الامراض الفيروسيه الاخرى، او ممكن الفيروسات تعمل سرطانات بس بعد مدة طويله من الاصابه زي في حالات الاصابه بفيروس HBV اللي بيسبب تليف الكبد و بعدها بيسبب سرطان الكبد عافانا و اياكم. ❤️
ده كان الموضوع بأختصار لو محتاجين معلومات تانيه ياريت تقولولنا في الكومنتس 😉✌️
دمتم بخير ..
#NU
