السيميتريه : اشكال الفيروس
لو متابعينا على صفحتنا على الفيس بوك هتعرفو اننا بننشر صور كتير لفيروسات و بكتريا لو مش متابعينا دى صفحتنا
Another Life
و لو لاحظتم هتلاقو اشكال كتير للفيروسات منها العصوى المرن زى فيروس البطاطس اكس و العصوى الصلب زى موزايك الطماطم و منها الكروى زى الانفلونزا و منها الخيطى زى فيروس البطاطس Y
القصد ان ليها اشكال كتشير فى كل مملكه :D
طب ايه اللى بيعمل شكلها ؟
اتكلمنا قبل كده عن تكوين الفيروس , لو مكنتش متابعنا ده اللينك
ما هو الفيروس
تضاعف الفيروس
و عرفنا ان الفيروس بيتكون من حمض نووى و غلاف بروتينى
الغلاف البروتينى بيتسمى capsid و بيتكون من وحدات اصغر منه اسمها كابسوميرات او وحدات بروتينبة
اهو الكابسوميرات دى بتتكون من تحت وحدات بروتينات لما بتترص حوالين بعض هى اللى بتعمل شكل الفيروس
و بتترص بشكل هندسى وثبات شكل الفيروس بيعتمد عليها وعلى الروابط ما بينها
التراص ده اسمه سيمترية و هى معناها فى العادى التماثل يعنى لو ببص على وش حد بقول ان وشه سيمترى لو جنبه اليمين زى الشمال
بس فى الفيروس بيبقى تماثل هندسى حبتين على اسس فيزيائية
ازاى هنعرف دلوقت انواعهم :
_______________________________________________________
السيمتريه الحلزونيه :
دى ابسط انواع السيمتريه و هى بتبقى وجود الكابسوميرات على هيئة اقراص و بتتراص على بعضها
و لما بتبقى قريبه اوى بتعمل الفيروسات العصويه الصلبه زى موزايك الدخان
و لو بعيده حبه تبقى مرنه , وهكذا يعنى بالاساس هى بتعمل الفيروسات العصويه :D
و هنا الحمض النووى بيتلف جوا الكابسوميرات و بيبقى فيه تجويف فى المنتصف
______________________________________________________
السيمتريه المكعبة :
دى ترتيب لتحت الوحدات البروتينية حوالين اوجه و و بيعمل انظمه رباعية الاوجه او مكعب ليه 12 وش او 20 وجه
و هنا الحمض النوووى بيبقى جوا الكابسيد و محاوطه كده (شتا بقى و كده) و دى بتبقى الفيروسات الكرويه زى الانفلوزنزا و الهربس
_______________________________________________________
السيمترية المركبه:
دى الاتنين مع بعض :D حاجه زى فيروسات البكتريا (البكتريوفاج) بيبقى راسها كرويه فبتبقى مكعبه و باقى جسمها سيمتريه حلزونيه
_______________________________________________________
المختلفه بقى زى الجدرى اللى لا هى مكعبه ولا حلزونيه ولا مركبه حتى و دى بتبقى اصلا تركيبها مبيتبعش الا نظام
بس فيه فيروسات بيبقى شكلها مش مظبوط مش بسبب انها كده خلقة ربنا
لا ممكن بيحصل اخطاء وقت تحضيرها للفحص بالميكروسكوب الالكترونى
و فيه فيروسات بيظهر حواليها خطوط دى مش خطوط ده غلاف اضافى من الليبد (الدهن يعنى) بيحيط بالغشاء البروتينى (الكابسيد)
فيه بقى السعار ده شكله بيبقى شبه طلقة المسدس و ده ترتيب تحت وحداته منتظم مع نفسويته
فاهمين ولا نعيد كمان ؟
ياليت الكتابه بالفصحى، وأريد أن أعرف تفاصيل أكثر عن الكابسوميرات وشكرا
ردحذف