تاريخ الميكروبيولوجى

السلام عليكم
اخباركم
احنا قولنا اننا هنتكلم عن الميكروبيولوجى (microbiology)
طب ايه هو الميكروبيولوجى
هو علم بيدرس الاحياء الدقيقه جاى من الكلمه الاغريقيه
μῑκρος اللى هى ميكروس او صغير
و βίος اللى هى بيوس او حياه
وλογία اللى هى ايلوجيا او علم
يعنى ع بعضهم علم الحياه الصغيره :D
اللى هى بتتكون من خليه واحده او عدة خلايا و العلم ده بيتقسم لحاجات كتير زى الفيرولوجى و البرتوزولوجى و الميكولوجى

تاريخ العلم:

قديما:

زمان قبل الميلاد الناس استخدمت البكتريا عشان الخبز و التخمير بس اول ناس اقترحو ان الموضوع ان فيه حياه دقيقه كانو الجاينيه (احد الديانات موجوده من القرن 6 قبل الميلاد), بعد كده ماركوس تيرينتيوس فارو قال ان فيه الشخص يبقى واخد باله لما يحدد مكان فى المستنقعات

العصور الوسطى :

فى الحضاره الاسلاميه فيه علماء اتكلمو عن الاحياء الدقيقه زى ابن سينا فى كتاب القانون فى الطب , و بن زهر اللى اكتشف الجرب  و الرازى اللى من اول الناس اللى وصف الجدرى فى كتاب الحاوى

العصر الحديث:

حاجه صغيره مبتتاشفش هدرسها ازاى ؟ لما ليفنهوك اخترع الميكروسكوب ده فتح مجالات كتير اوى للبحث السيتولوجى (دراسة الخلايا) و منها خلايا البكتريا 
و فى القرن ال 19بدا علم البكتريا على يد فيرناند كوهين اللى كان بيدرس النباتات و درس الطحالب و ده خلاه يشوف بكتريا زى الباسيلس و هو اول شخص عمل التقسيم البكتيرى
و ابو العلم هو باستير و كوخ
باستير وهو عايز ياكد نظرية ان الجراثيم بتتوالد ذاتيا و برده قدر يعمل طرق للحفظ اللى اتسمت باسمه البستره و قدر يعمل لقاح ضد الجمره الخبيثه و السعار
فى نهاية القرن بيجرنك قام باكتشاف الفيروس و بدأ الميكروبيولوجى يبقى ليه قسم جديد اللى هو الفيرولوجى
ثم اكتشف ديهريل البكتريوفاج
و نبقى كده قولنا نُبذه مختصره عن العلم الكبير ده
كوخ قدر يعمل مقترحات لعزل المسببات المرضيه سواء بكتيريه او فيروسيه و لسه مقترحاته موجوده الى الان