انشاء محطة قطار فى اليابان باستخدام الفطريات و الشوفان ؟ ايعقل
بينما نحن نفكر عشرات السنين لأنشاء محطة واحده اخواتنا في اليابان صنعوا المجد في التخطيط لأنشاء شبكة محطات قُطُرات تربط المدن كلها ببعضها عن طريق الأستعانه بصديق ألا و هو ( فطر Physarum polycephalum )!!!
- ازاي؟
= مع شرايح الشوفان 😂😂
- هنهزر؟! 😒
= والله زي ما بقولك !.
الحكايه و ما فيها ان السكه الحديد عندهم بتنقل ملايين الناس كل يوم من المدن المختلفه حوالين طوكيو (العاصمه) و طبعا ده بيولد زحمه و تأخير عن مواعيد العمل، و لأنهم ناس بتخاف جداً على شغلها فأستعانوا بالعلماء في عمل سكه حديد بتربط المدن اللي حوالين طوكيو ببعض و بصوره تخليها اقل مسافه و بالتالي اسرع في الوصول !
عملوا ايه العلماء؟
اقولك انا .. جابوا شرايح الشوفان و وزعوها نفس طريقة و شكل توزيع المدن بتاعتهم.
بعد كده جابوا الفطر الجميل المذكور اعلاه 😁 و حطوه بشكل عشوائي و انتظروا التالي:
الصوره الاولى متوضح فيها الفطر (الكتله الصفراء) وسط رقائق الشوفان(النقط البيضاء) و مكنش لسه عمل حاجه 😇.
الصوره التانيه ابتدا فيها الفطر ينمو بشكل عشوائي حوالين الشوفان و مكونش اي نمط و ده كان بعد 5 ساعات من وضع الفطر.
الصوره التالته و الرابعه نفس الكلام بس لو تلاحظوا انه الفطر ابتدى يقوي الخطوط المباشره بينه و بين حبوب الشوفان!!!
الصوره الخامسه بتظهر الخطوط المباشره بين الفطر و حبوب الشوفان و اثار النمو في الاماكن البعيد عن الشوفان بتقل تدريجياً!
الصوره السادسه و اللي هي بعد ٢٦ ساعه بس !! من وضع الفطر و الشوفان بتوضح الخطوط الرئيسيه اللي متكونه بين الفطر و الشوفان و اللي كونها الفطر بالترتيب حسب مصدر الغذاء الاقرب له مع اختفاء اثار النمو الاخرى !!!!
كل ده في يوم و ساعتين !
قولولي احنا عملنا ايه من امبارح للنهارده تاني كده ؟ 😂
دمتم بخير
