بكتريا تهضم البلاستيك !!
اكبر مشكلة بتواجهنا مع البلاستيكات هى انها مبتتحللش و لو حد افترج ع خواطر احمد الشقيرى اتكلم عن الموضوع ده و اد ايه البلاسيتك خطر
بس البكتريا دايما بتحب تفاجنا :D السنه اللى فاتت 2016 مجموعه باحثين ف اليابان (اليابان تانى :D) بيشتغلو على بكتريا و لقوا ان البكتريا دى تقدر تهضم البلاستيك :O
يعنى لو اتحطت ع ازازه بلاستيك تخلص عليها :O
ازايز البلاستيك مصنوعه من ماده اسمها بولى ايثيلين تيترفيثالات او PET كاختصار و دى ماده موحوده ف الهدوم و علب التلاجات و الذى منه
المهم الماده دى كانو بيقولو ان مفيش بكتريا بتقدر عليها و مفيهاش اى ماده غذائيه بس كان فيه فطريات بتقدر تحلل جزء منها
لما عملو عزل لبكتريا ما اسمها Ideonella sakainesis
و لما عملو تجارب اكتر عرفو ان البكتريا دى بتفرز انزيمين عشان يكسرو الماده دى و يحولوها لماده اقل تقدر البكتريا التانيه تتغذى عليها و البكتريا دى تقدر تخلص على البلاستيك ف خلال 6 اسابيع طول ما درجة الحراره ثابته ع 30 درجه اللى كان بيقعد مئات السنين عقبال لما يتحلل
الموضوع لسه فى مرحلة البحث بس لو دخل لمرحلة التطبيق هيبقى كويس جدا بيئيا خاصة للبيئة البحريه اللى فيها مئات الاحياء بتموت بسبب البلاستيك
حد اتفرج ع حلقة خواطر بتاعت البلاستيك ؟ ولو متفرجتوش هننزل اللينك ف البوست لو عايزين :D
ياترى عندكم شنطة البلاستيك دى ؟
دمتم بخير
#MIKU
تعليقات
إرسال تعليق