بكتريا الفضاء

الحج دمبلدور قال اننا بنلاقى الضوء ف الاماكن المظلمه
الحجه ريحانه قالت بنلاقى الحب فى اماكن غريبه
جت ناسا مسكتتش قالت اننا لاقينا بكتريا فى الفضاء
مع بداية القرن العشرين و بدات الرحلات للفضاء و جود بشر بيخرجوا بره الغلاف الجوى و زى ماحنا اتطورنا
البكتريا اتطورت هى كمان :D
اول مره لاقوا البكتريا فى سفينه فضائيه كانت ف روفرز اللى راحت تستكشف المريخ و من هناك خرجت للفضاء و لان الفضاء مفيهوش اكل فاكيد البكتريا دى كانت ع الارض و خرجت للفضاء مع المركبات الفضائية
البكتريا دى المفروض ان الاشعاع يقتلها بس فى الفضاء بتقول هات كمان :D الاشعاع و انعدام الجاذبيه بيزودها و ينميها و ده بيكسر مقوله ان الفضاء خالى من الميكروبات (ياللصاعقه)
و بتبقى اكثر ضراوه و الجهاز المناعى لرواد الفضاء بيبقى اقل كفاءه فده بيزود خطورة الاصابه و خاصة انهم ف الفضاء معندهومش لا مستشفى
و فيه مشرفه على العمل فى احد البعثات قالت ان البكتريا زى السالمونيلا (هنتكلم عنها قريب) بتبقى اكثر شراسه و حتى احماض المعده مش بتقتلها
و فى المحطات المياه بتتعاد تدويرها و ده بيزيد خطر الاصابه
و بما انها بتبقى اقوى فبتحتاج تركيز اعلى من المضادات الحيويه لقتلها
طب الموضوع كله وحش ؟
لا فيه جوانب كويسه للموضوع زى انهم هستخدموه انواع بكتريا بتستهلك كربون و نيتروجين عشان يطوروا منتج غذائى زى مكمل غذائى للرواد
او يشوفو انهى نوع من البكتريا بيحول ثانى اكسيد الكربون لاكسيجين و ده اكتر حاجه الواحد ممكن يحتاجها ف الفضاء :D
كنتو تتوقعوا وجود البكتريا ف الفضاء ؟
كده حتى لما نعيش ف كوكو تانى هنحتاج مضاد حيوى بس برده لازم نستخدمه تحت اشراف دكتور

زورونا ع فيس بوك
another life page