المضادات الحيويه
***** المضادات الحيويه *****
حلو اوي ... ملاحظتش
قبل كده ان المضاد الحيوي اللي جاب مفعول معاك مره و اتنين و تلاته مثلا و جيت
تستخدمه تاني لما تعبت مجبش معاك مفعول؟!!
اللي حصل ان المضادات
الحيويه اللي بتقتل الميكروب او بتثبط نموه مبقاش ليها قدره انها تقاوم الميكروب
اللي هاجمته قبل كده و قضت عليه.. حلو اوي طيب ازاي برضو😲 ؟
هقولك ازاي بأختصار 😬✋ البكتيريا كائن ذكي جدا برغم انه معندوش عقل زيينا
لأنها لما بتيجي
نعاملها بمضاد حيوي في المره الاولى بتموت او بتتثبط و جت عملت عدوى تاني مره
استخدمنا نفس المضاد و ماتت و احنا بنخف و فرحانين بس المشكله الاكبر هي (المقاومه اللي بتكونها البكتيريا ضد المضاد الحيوي ده 👊😠) .
البكتيريا بتفضل تطفر
في نفسها و بتنقل طفرة المقاومه للمضاد الحيوي ده بالتوارث عبر اجيالها القادمه فتكون
لنا سلاله جديده تماما و ليها القدره على مقاومة المضاد الحيوي اللي بنستخدمه
دايما و بالتالي لما تحصل لنا عدوى بالسلاله دي و ناخد المضاد الحيوي نفسه مش
هيأثر في الميكروب و بالعكس كمان الاخطر انه السلاله الجديده ده مش بس هتكون
مقاومه للمضاد ده لا ممكن تسبب لنا امراض اخطر بكتير من شوية التعب البسيط اللي
كان عندنا قبل كده و ساعتها مش هيكون في علاج لسه اكتشفناه ليها 😓😢.
بلاش مضادات حيويه
كتير.. بلاش مضادات حيويه لو تقدر تقاوم المرض بأساليب طبيعيه .. بلاش مضادات
حيويه من غير ما تسأل دكتور 👍🙏.
دمتم بخير💗💗 ...
