Proteus
امبارح نزلنا صورة اعصار بالبكتريا
:Dالصوره دى لبكتريا اسمه Proteus
ده بكتريا عصويه قصيره سالبه لجرام زيها زى الايكولاى و السالمونيلا
بس ده معروف انه ميكروب مترمم انتهازى
:O ايون بتترعبى ليه يعنى ايه بقولك انتهازى
:O يعنى هو موجود ساكت و حلو و كيوت لحد ما يلاقى الجسم مناعته قلت حبه 
3:) بيتحول من كمال ابو ريا لغسان مطر(وحشه عارفه)و هو متواجد فى الفضلات و امعاء الحيوانات و النيله كلها خمسه عليه
عادة هو مسئول عن الالتهابات فى مجرى البول
و نوع P. mirabilis ده مسئول بشكل كبير عن ده و عن تلويث الجروح و حساس جدا للمضادات الحيويه زى الامبيسلين و السيفالوسبورين و ده لو دخل لمجرى البول بيروح للكليه عدل
ف حين نوع P. vulgaris مبيأثروش فيه (شخصيته قويه) و ده متواجد بشكل طبيعى فى الامعاء و ف التربه و المياه الملوثه
النوع ده من البكتريا كمان مسئول عن الحصوات بنسبة 15-10% و اسمها حصوات ستروفيت و دى بتنتج من القلويه اللى بسبب انزيم اليوريز اللى بتنتجه البكتريا دى و بيحول اليوريا اللى ف البول لامونيا و ثانى اكسيد الكربون (يعنى بينيل الموضوع خالص)
المهم ان البكتريا دى اوقات بنتلغبط بينها و بين الايكولاى و السالمونيلا و معظم بكتريا العصويات التانيه فبنميها على بيئه اسمها ماكونكى دى فيها حمض لاكتيك (حمض اللبن اتكلمنا عنه قبل كده) و البكتريا دى مبتقدرش تهضم الحمض ده فمبيتغيرش لونها (لان البيئه بيتغير لونها لو الحمض اتهضم )
و لو نميناها ع بيئه عاديه نموها بيبقى بطئ لا و كمان بيبقى متعاقب
يعنى طبقات زى الصوره (بيبقى شكلها حلو اوى )
طب هى كلها وحش ؟
تخيلو ان البكتريا دى سبب كبير اوى ف اننا نقاوم نوع اسمه ريكيتسيا (نتكلم عنه قريب)
الريكيتسيا منقدرش نعمل منها لقاح او تطعيم بس البروتيوس شبه الريكيتسيا جدا لدرجة ان بيتم استخدام انتيجين متاخده من جدار البروتيوس الخلوى عشان نعرف لو المريض عنده ريكتسيا ولا لا و ده اختبار اسمه Weil-Felix
ها تعرفو ايه عن الريكيتسيا و عن الانتيجينات ؟
و عايزين نتكلم عن انهى الاول
دم دم دم دمتم سالمين
:D
تعليقات
إرسال تعليق