فيروس الضنك

حمى الضنك :O (موسيقى رعب هنا )
حمى الضنك مرض للاسف انتشر الفتره اللى فاتت فى اماكن ف مصر زى الغردقه و لان الموضوع كبير و مهم هنتكلم عنه النهارده
و عشان نعرف الحمى بتعمل ايه لازم نعرف ايه اللى بيسببها 😁
اولا حمى الضنك بيسببه فيروس اسمه فيروس الضنك Dengue virus ( لا جديده :D)
المهم الفيروس ده حمضه النووى +ssRNA يعنى خيط واحد من الRNA و ده بيخليه ممكن يتطفر بسهوله , و بينتقل بالحشرات خاصة الزاعجة المصرية A. aegypti . الفيروس ده من عائلة Flaviviridae و جنس Flavivirus و ليه 5 انواع و النوع الخامس ده اكتشفوه سنه 2013
الفيروس ده لما بيدخل جسم الانسان عن طريق البعوضه طبعا اول حاجه بيدخلها هى الجلد و ف الجلد نوع من الخلايا المناعية شكلها عامل زى الخليه العصبيه اسمها خلايا لانجرهانس , الفيروس اول لما بيلاقيها بيدخلها و يتضاعف جواها (زى ما شرحنا تضاعف الفيروس قبل كده)
الفيروس ده مبينتقلش عن طريق العطس و مش معدى و لما فترة حضانتة من 3ل14 يوم (الفتره من دخوله لحد ظهور الاعراض) و لانه بينتقل بالبعوض فلو قدرنا نتخلص من مناطق انتشار البعوض زى المصارف و الزرع هنقدر نكافح الفيروس
و الفيروس ده بينتقل بين البعوض و بعض الثدييات يعنى مش بيصيب الانسان بس
مشكلته انه لفتره قريبه مكنش ليه لقاح او تطعيم لحد 2016 اتعملو تطعيم بس موجود ف البرازيل و ماليزيا بس و غالى جدا
و الفيروس ده لو حد اتصاب بنوع من انواعه الخمسه مره بيديه مناعه دائمه للنوع ده و مناعه مؤقته للانواع التانية
طب بنكشف عن الفيروس ده ازاى ؟
ايه هيحصل لو اتصاب الشخص بنوعين من فيروس الضنك؟ او ايه اسباب ان بعض الاشخاص بيحصلهم اعراض حاده جدا من الاصابة؟
ده بسبب حاجه اسمها الاصابه الحاده و دى خطيره حبتين لانها بتعمل حمى الضنك النزفيه و دى سببها ان الجسم مش بس بيعمل اجسام مضاده للنوع الجديد لا ده كمان بيطلع القديم و بيتدخلو ف عمل بعض فبيزيدو حدة الاصابة 😶و ده اسمه حث معتمد على الجسم المضاد Antibody-dependent enhancement
طب ايه اصلا حمى الضنك ؟
هنتكلم عنها ف بوست تانى :D انتظرونا ^_^
المصادر
denguevirusnet.com
wikipedia.org
creative-diagnostics.com/Dengue-Virus.htm
http://mayaclinic.in/

#دمتم_سالمين
#GIB