أخــطر الأكلات على صحتك و صحـة عائلتـك
الليستريا .. ايه هي لليستريا و ايه هي اعراضها ؟؟؟
في نوع من البكتيريا
اسمه Listeria monocytogenes و اللي بيسبب مرض اسمه Listeriosis
و النوع ده من البكتيريا بيتنقل للأنسان عن طريق الاكل الملوث.
في احصائيات بتقول
انه انه كل سنه بيصاب 1600 شخص بالمرض ده منهم 260 شخص بيتوفوا !
طيب ده بيخلينا لازم
نعرف ايه هي اعراض المرض ده و الاكل اللي
ممكن يكون ملوث بالبكتيريا دي و نحاول نقلل منه او نجيبه من مصدر موثوق و كمان
لازم نعرف مين اكتر الفئات من الناس عرضه لأنهم يصابوا بالمرض ده ..
مبدئياً خلينا نوضح
الاول مين اكتر الناس عرضه للأصابه و هما النساء الحامل و الاطفال حديثة الولاده و
الاشخاص اللي مناعتهم ضعيفه و كمان الناس اللي سنها غالبا عدي 65 سنه.
طيب ايه هي الاعراض؟
للنساء الحامل
الاعراض بتكون شبه نزلات البرد زي الصداع و ألم في عضلات الجسم او حمى و ممكن
الاعراض تبقى اخطر و تتحول لأجهاض او ولادة الطفل قبل ميعاده او موت الطفل او لو
كان عايش بتبقى حياته في خطر بسبب انتقال العدوى ليه.
للأشخاص التانيه
الاعراض بتكون صداع، توتر، اختلال توازن، الالام و تشنجات.
طيب ايه هو الاكل
اللي ممكن تتنقل من خلاله العدوى؟
1- منتجات الالبان
الغير مبستره و كمان حتى لو الالبان متبستره و اتعمل منها منتجات .. المنتجات دي
ممكن تاخد عدوى بالبكتيريا لو اتعملت في ظروف غير صحيه.
2- أكل براعم
النباتات الغير مطهيه كويس ( في مصر الشائع انتقال العدوى عن طريق السلاطات)
3- الشمام
و ده بينصح
انه يتاكل مباشرة بعد التقطيع او يفضل في
التلاجه الاول بعدين يتاكل ولو في قطع منه كانت موجوده في درجة حرارة الغرفه لمدة
4 ساعات يبقى نتخلص منها.
4- اللحوم البارده ..
كنصائح لكل الفئات الماء او الدم اللي بينزل ساعات من اكياس اللحوم و الهوت دوج
مينفعش خالص يختلط بالخضار و الاكل التاني.
اكياس الهوت دوج
الموجوده في الفريزر لو اتفتحت متفضلش اكتر من اسبوع و لو متفتحتش خالص ممكن تفضل
لحد اسبوعين.
اكياس اللحوم المخزنه
و اللي متفتحتش متقعدش اكتر من اسبوعين و لو اتفتحت قبل كده او بواقي لحوم مستخدمه
و متخزنه يبقى متقعدش اكتر من 3 الى 5 ايام.
طبعا للستات الحامل
بيفضل انهم يتجنبوا اكل الهوت دوج و اللحوم البارده المخزنه و لو اكلوها تبقى
مطهيه كويس جدا.
5- الاكلات البحريه
المدخنه زي السلمون و التونه و دي بتكون معلبه و بتتحفظ في التلاجه .. و لان مش كل
المعلبات بتبقى قابله للحفظ في درجة الحراره العاديه او في التلاجه فبيبقى مكتوب
على العلبه من بره طريقة حفظها.
نصائح للأفراد الأكثر
عرضه عدم اكل المأكولات البحريه المدخنه الا لو كانت معلبه او مخزنه في وعاء طهي
او لو كانت صالحه للتخزين في درجة حرارة الغرفه.
6- الألبان الغير
مبستره مصدر مهم للعدوى و منتجاتها زي ما قولنا
بينصح بعدم تناول
الالبان او منتجاتها الغير مبستره .
❤stay safe ... stay tuned
تعليقات
إرسال تعليق