ما لا تعرفه عن اشهر الأصابات الميكروبيه للفم

السـلام عليــكم 

اشكال و انواع قرح الفم و اللسان متعدده و احنا كنا اتكلمنا عن نوع اسمه قرحة الفم القلاعيه قبل كده و وضحنا بصوره شكلها بيبقى ازاي ... ( الموضوع السابق )

تعالوا نكمل الموضوع النهارده ^^

1- مرض Candidiasis

 .. العدوى هنا بتكون بسبب نوع من الخمائر او الفطريات اسمه Candida albicans و النوع ده بيكون متعايش على جلد الانسان و كذلك في جهازه الهضمي بس ممكن يتوفر له الظروف الملائمه اللي ممكن تخليه ينمو و يبقى معدي و يسبب اصابة الفم او الحلق او المريء.

من الاعراض المهمه للمرض ظهور بقع بيضاء على الخد من الداخل او الحلق، فقدان الاحساس بالتذوق، واحمرار و الالام في زوايا الفم من الداخل.

2- مرض Herpes cold sores 

و ده بيسببه Herpes simplex virus  بيبدأ الشخص يحس بتنميل او حرق و بعدها بتتكون البثور على اللسان او حول الشفاه و اللي عادة بتكون على طرف الشفاه السفلى. النوع ده من العدوى بيروح لوحده خلال اسبوع الى 10 ايام بس لو طول بتحتاج تستشير الدكتور و بيكون في كريمات و ادويه بتخفف من الاعراض و بتساعد على الشفاء السريع . ملحوظه مهمه انه الفيروس لما بيتم الاصابه بيه مش بيخرج من الجسم بس مظاهر العدوى هي اللي بتختفي لكن اي ضغط او صدمه او التعرض للحراره او البروده ممكن يرجع يظهر الاعراض تاني.

3- مرض Hand,foot and mouth disease 

بيسببه فيروس Coxsackie A16 و ده فيروس بيسبب بثور على اللسان و القدمين و الأيدي و ده بيكون منتشر بين الاطفال في المدارس و بتبدأ الاصابه بحمى و احتقان الحلق و بعدها بتظهر البثور و اللي بتختفي خلال 3 ايام تقريبا.

4- مرض Gingivitis

 بيسببه نوع من البكتيريا بتفرز توكسين و التوكسين ده بيتفاعل مع اللثه و بيسبب التهابها و تورمها و بالتالي لما بنيجي نغسل اسناننا بتنزل ده (احد الاسباب و و ليس جميعها) و الاخطر في الموضوع انه لو تم استنشاق البكتيريا دي و دخلت في الرئه بتسبب التهاب رئوي.

دي مش كل الاعراض اللي ممكن تسبب قروح او بثور في الفم او اللثه و لكن بقدر الامكان حاولنا نجمع اكتر الامراض انتشارا و اللي كمان تخص الميكرو بلأخص و ان شاء الله الموضوع يعجبكم.
روابط المصادر: 

Candida infections of the mouth, throat, and esophagus

Sore or painful tongue

Common Oral Infections

Stay safe.. Stay tuned