اشهر الامراض العالميه .. يلا نعرفها!!

سلام عليكم .. عاملين ايه ^^

تعالو نتعرف على اشهر الامراض و كمان جزء بسيط من جهازنا المناعي ^^

خلايا الــ Neutrophile نوع من خلايا الدم البيضاء و اللي بتهضم الميكروب الممرض او بتنتج انزيمات بتقتل الميكروب الممرض ..

و دي صوره ليها و هي بتبتلع ميكروب Staphylococcus

****

**الكـوليرا** 
الكوليرا هو مرض بيسببه بكتيريا اسمها Vibrio cholera و هو مرض خطير بيسبب فقدان لجميع سوائل الجسم عن طريق الاسهال و القيء و لو متعالجش بسرعه بيموت الشخص في خلال 24 ساعه بسبب الجفاف الناتج عن فقدان سوائل جسمه.

العدوى بتتنقل من خلال تناول مياه او اكل ملوث بالبكتيريا..

من المعروف انه المرض منتشر في افريقيا و اسيا و امريكا اللاتينيه و اخر انتشار للمرض و اللي يعتبر اقوى انتشار في وقتنا الحالي كان سنة 2010 في جزر Haiti في البحر الكاريبي .

العلاج بيتمثل المضادات الحيويه او استخدام المحاليل لتعويض سوائل الجسم المفقوده او بأستخدام الزنك و اللي ثبت مفعوله في معالجة الكوليرا خصوصا عند الاطفال .

طبعا من طرق الوقايه بتكون اللقاحات.

***

طفيل Plasmodium تحت الميكروسكوب الالكتروني النافذ TEM

و هو الطفيل المسبب لمرض الملاريا و كلنا اكيد سمعنا عنه ..

الطفيل ده الناقل الاساسي ليه بيبقى الباعوض عن طريق انه بيمتص دم الانسان المصاب و بيفضل الطفيل يتكاثر داخل الباعوض و وبعد كده الباعوض بينقله تاني لشخص سليم و هكذا..

اعراض المرض بتتراوح ما بين خفيفه و متوسطه و شديده و عموما المرض ممكن نسيطر عليه لو الحاله اتشخصت بدري و الشخص المصاب كمل على العلاج الصحيح لحالته .

***

Stay safe.. Stay tuned