مين بياكل جبنه؟! اقصد مين مش بياكلها؟ الجبنه و السرطانات هنا يلا نشوف !
سلام عليكم ^^
موضوع النهارده هيكون
عن حاجه بناكلها من صغرنا و لحد ما كبرنا!
فطار و عشاء و لو
طلبت غداء كمان مفيش مشكله خالص.!
((الجبنــــــــــه)) .. مين مننا مبياكلش تقريبا كل يوم جبنا ؟؟ اعتقد هيبقى عدد قليل
((الجبنــــــــــه)) .. مين مننا مبياكلش تقريبا كل يوم جبنا ؟؟ اعتقد هيبقى عدد قليل
بحسب موقعين هكتبلكم
مصدرهم في اخر الموضوع فالجبنه الرومي و البيضاء احد اهم اسباب اصابة المصريين بالسرطانات
!!!!!!!!!!
تعالوا نشوف الجبنه
الرومي :
بحسب كلام دكتور محمد
الحوفي و هو مشرف جوده في احد المعامل الموجوده في مصنع جبنه .. فهو بيقول انه
للأسف مفيش اي جبنه رومي في مصر صالحه للأكل. بغض النظر عن كمية الاحماض الدهنيه
العاليه فيها الا ان المشكله الاكبر بتحصل اثناء تخزين الجبنه لمدة شهور علشان
تاخد الطعم و النكهه بتاعتها . اللي بيحصل انه الارفف اللي بتتخزن عليها الجبنه
بتكون غير نظيفه بالمره.
طيب ازاي؟؟ هقولك ...
اثناء تمليح الجبنه
.. الماء المملح بينزل على الارفف اللي بتتخزن عليها الجبنه و يدمص في الارفف
الخشبيه دي (بيئه مناسبه لنمو اي حاجه انت مش عايزها) فبالتالي بتنمو فطريات و بكتيريا و بعد كده الفطريات
تتخلل الجبنه المتخزنه على الارفف الملوثه و بعدين تنتج لي الأفلاتوكسين (معلومات اكتر عنه من هنا) .
*ملحوظه: مهم تعرفوا عن الافلاتوكسين لانه من اهم مسببات السرطانات وهيفيدكم جدا في حياتكم اليوميه حتى.
بعد كده قبل ما تروح
الجبنه للسوبر ماركت بيتم تنظيف الجبنه من النموات الفطريه و قطع ما يقارب 1-2
مللم من قالب الجبنه لأزالة التوكسين لكن للأسف التوكسين بيكون تخلل مسافة ما
يقارب 5 سم من قالب الجبنه !!!
ياريت نحاول نبعد حاليا بقدر الامكان عن الجبنه لسلامتنا
ياريت نحاول نبعد حاليا بقدر الامكان عن الجبنه لسلامتنا
تعالوا بقى ندخل على مرحلة الوحش (( الجبنه البيــضاء)) 🙅🙅
طبعا اغلبنا بياكلها
كمان اكتر من الرومي و لأسباب مختلفه ، و في كمان ناس بتحب تجيبها من الاكشاك او
الباعه الجائلين و دي المصيبه الكبرى !!
ناس كتير مننا بيحبوا
الجبنه البيضاء بس مش كلنا نعرف ان الجبنه الغير معروفة المصدر بتحتوي على
فورمالين .. و اللي ميعرفش الفورمالين او الفورمالدهيد هو ماده كيميائيه وجودها في
الاكل او الشرب بيسبب تليف و سرطان الكبد و الفشل الكلوي.
بحسب اللي مكتوب على
الموقع انه اليوم السابع اكتشف ان في مصانع و اماكن كتير فاتحه بدون ترخيص و بتبيع
النوع ده من الجبن! عن طريق انهم بيضيفوا الفورمالين الى اللبن الداخل في صناعة
الجبنه علشان يزود فترة صلاحية الجبنه !!!
من الاماكن اللي
اتجمعت منها العينات كانت السيده عائشه، السيده زينب، باب الشعريه، المنيل،
امبابه، عمرانيه و البدرشين و تم عمل تحليل للعينات في المركز القومي للبحوث وكانت
النتيجه ان 7 عينات من اصل 13 كان فيهم فورمالين J!!!
غير انه 80% من
الجبنه اللي بيتم تداولها في البلد تعتبر من المصانع دي و ان 20% فقط من المصانع
الموثقه!!!!!!!!!!
غير انه اثناء
التحليل وجد انه الجبنه جودتها لا تمت بصله للماعيير اللي مفروض تطبق على حسب
الهيئه المصريه للمواصفات و الجوده رقم 3393 لسنة 2005 كمان تمت متابعة عملية
الانتاج في المصانع دي اتضح انهم لا يتبعوا قواعد الامان و السلامه الخاصه بعمليات
الانتاج بما يشمل عدم ارتدائهم قفازات الايدي، الملابس الواقيه، عدم اتباع نظم
الحمايه للعمال المرضى بنزلات البرد او الأمراض الجلديه !!!!!
للموضوع بقيه و لو عايزين
نكمله يا ريت تقولولنا و ياريت يا جماعه ناخد بالنا من نفسنا و من اكلنا لأنه ممكن
الموضوع يتطور لحاجات هتضر صحتنا لا قدر الله 💕🙏
*ملحوظه: الموضوع ده من سنة 2015 يا جماعه بس احنا حبينا نفيدكم و ننشر حاجه زي كده علشان تاخدوا بالكم.
المصـادر:
Stay safe.. Stay tuned 💗💗
تعليقات
إرسال تعليق