جرثومة الامعاء
جرثومة الامعاء (موسيقى بيتهوفن هنا)
اولا عشان نبقى ع نور هى مش جرثومه هى بكتريا و مش متجرثمه
:D جابو جرثومه دى منين معرفش والله ياختى بصوا بقى
البكتريا دى عصويه قصيره و سالبه لجرام و غير متجرثمه وبتنمو فى وجود هواء او عدمه اسمها Escherichia coli ايشريشيا كولاى
:D البكتريا دى متواجده طبيعيا فى امعاء اى حيوان ذو دم حار و عايشه و متعايشه و معندهاش مشاكل
مشاكلها بتبدا لما بتخرج بره
3:) وجود الايكولاى فى اى اختبار معناه ان الاكل او الشرب او الجو ملوث بالمجارى او بالبراز (يع)الايشريشيا منجم كبير بالنسبه للكل خاصة علماء الوراثه
صدق اولا لا تصدق ان العلماء قدروا يخلو البكتريا دى بالتحويرات الوراثيه تنتج مواد كتير زى الانسولين
:D و الايكولاى هى اول كائن حى يتعرف الحمض النووى بتاعه كاملا :D طب ايه مخاطره البكتريا دى ؟
زى ما قولنا هى دليل على التلوث و ليها نوع بيسبب امراض معويه زى التهاب الامعاء و عدوى فى مجرى البول و التهاب السحايا الوليدى (فى الاطفال الرضع) و التهاب القولون النزفى و فى حالات نادره بتتوحش اكتر و بتسبب التهاب البريتون و التهاب رئوى و التهاب ثدى و تسمم الدم
ده غير ان ليها انواع بتفرز سموم و بتسبب امراض معويه
عموما هى بتعمل اسهال و قيئ و بتصل الحالات اوقات للجفاف عشان كده بيبقى علاجها الاول محاليل الجفاف
الايكولاى بتنمو بشكل سريع جدا اقل من 20 دقيقه
طب هى وحشه بس ؟
لا طبعا هى بيتعمل بيها زى ما قولنا التلاعب الوراثى و الهندسه الوراثية و بتستخدم كمؤشر للتلوث و عشان كده اننا نكشف عن وجودها فى اى عينه سواء مياه او غذاء من اهم التحاليل اللى بتتعمل
نقدر نقول ان اى تقدم بنوصله فى الهندسه الوراثيه احد اسبابه الايكولاى
:D طب علاجها ؟
طبعا بيتراح للدكتور و بيدى الدوا بس فيه مشكله جامده جدا
الايكولاى مقاومه لمعظم المضادات الحيويه فهى مبيحوقش فيها مضادات كتير للاسف (المرعب
:O)طب الوقايه ؟
نغسل ايدينا كويس اوى يعنى
و مناكلش من اماكن مش معلومه
المياه نشرب من مصدر موثوق طبعا و ع فكره الكلور اللى بيتحط فى الميه ده بيقلل وجود اى نوع بكتريا و خاصة بكتريا القولون اللى منها الايشريشيا كولاى
تعليقات
إرسال تعليق