حمى الضنك

اتكلمنا عن فيروس الضنك
دلوقت هنتكلم عن حمى الضنك (نكمل موسيقى الرعب) 😨
حمى الضنك او حمى تكسير العظام او حمى عدن ده مرض بتنقله البعوضه خاصة الزاعجة المصريه و هو مرض مدارى يعنى فى مناطق معينه متشابهة ف الظروف الجويه
طب اعراضة ايه ؟
فى الغالب اعراضه بتتقسم ل3 مراحل
المرحله الاولى الحمى : و دى بتبدا فجاه و الحراره بتبقى 40 درجه مئوية و حمى يعنى صداع (عادة خلف العين) و الام عظام وطفح جلدى احمر بيظهر ف اول يومين من الاعراض على شكل طفح احمر و لو ظهر بعد كده لحد اليوم السابع بيبقى شبة طفح الحصبة بتتوصف انها جزر بيضا فى بحر احمر و فى الوقت ده ممكن تظهر بقع حمرا مبتختفيش لما بتدوس عليها بسبب تضرر الشعيرات الدمويه و كمان ممكن يحصل نزيف من اللثه او الانف
ف بعض الحالات مش كلها ممكن يحصل غثيان و قيئ
المرحله التانية الحرجة: دى بعد زوال الحمى بيبدا يحصل فقدان او تسرب للبلازما و بيستمر ليوم او يومين و ببتجمع السوائل دى فى الصدر و البطن و نقص حجم الدم ده بيقلل وصول الدم للاعضاء و فى بعض الحالات ممكن يحصل عجز فى بعض الاعضاء يؤدى للنزف و خاصة القناة الهضميه فيسبب حاجه اسمها متلازمة صدمة الضنك و حمى الضنك النزفيه و دى بيحصل ف 5% و زى ما قولنا قبل كده ده بسبب الحث المعتمد على الاجسام المضاده و دى شائعة اكتر فى الاطفال و الشباب بالرغم من انها نادره جدا
المرحلة التالته مرحلة التعافى بقى بيسترجع الجسم الدم اللى فقده و ده بيستمر ليومين او تلاته بيبقى معاها حكه شديده و بطء فى نبض القلب و ممكن يحصل طفح تانى بعده الجلد يتقشر و بيستمر الشعور بالتعب لمدة اسبوعين
لما بيحصل حمى الضنك النزفية الاعراض بتبقى هى هى مع عرض كمان او اكتر من : نزيف من الفم او الانف او الم مستمر ف الجسم او تعب ونوم او براز بلون الفحم او جفاف الفم
طب و متلازمة صدمة الضنك ؟
برده نفس الحمى و الحمى النزفيه مع عرض او اكتر من دول
نبض سريع ضعيف او جلد بارد او ضغط دم منخفض
التشخيص :
الاعراض متشابهه مع اكتر من مرض بس لازم اول لما نلاقى الحراره مرتفعه لازم نعمل تحليل صورة دم كامله وناحد بالنا من عدد كرات الدم البيضاء لان حمى الضنك بتقلل كرات الدم البيضا
و عدد الصفيحات الدموية لان الضنك بتخليها less than 100.000 per mm3
مع الاختبارات السيرولوجيه و PCR 😅
طب و الوقاية ازاى ؟
زى ما قولنا المسبب بينتقل بالناموسه او بعوضة الزاعجة المصرية فاحنا نحاول نلبس هدوم طويله و منعرضش جلدنا و نلبس شرابات
و نحط سلك على الشبابيك و نرش مبيدات
نغير المياه اللى فى الخزانات و نشيل الزرع من البلكونات
لو فيه برك او مياه راكده نشيلها او منروحش ليها , نلبس ملابس فاتحه لان البعوض بيحب الغوامق
لو فيه جهاز ناموس نشغله (صاعق) و لو فيه تكييف يشتغل (ولا اقولكم بلاش الفاتوره هتبقى كبيره :D )
العلاج :
العلاج مش موجود للاسف بس بنحارب الاعراض مثلا مضاد الجفاف و الاسبرين
المضاد الحيوى ملهوش اى لازمه لانه فيروس مش بكتريا فالمضاد الحيوى هيزيد التعب مش اكتر
حاولنا نحط كل حاجه مهمه :D
حافظوا على نفسكم و خدوا احتياطكم و الوقايه خير من العلاج
صور الاعراض فى الكومنتات لانها صعبه شوية
المصادر:
wikipedia.org
denguevirusnet.com
http://mayaclinic.in/
#دمتم_سالمين
#GIB