الفيروس ايه هو

3-dots-h

فهذا العالم الواسع يوجد ابو رجل مسلوخه واحد يخافه, الجميع الكبير و الصغير, الطويل و القصير, ابو رجل مسلوخه نفسه بيخاف منه
انه الفيروس :O
احنا كبرنا و الاعلانات بتخوفنا من الفيروسات بس للاسف محدش فيهم فهمنا ايه هو الفيروس اللى مجنن الناس ده
اولا العلم اللى بيدرس الفيروس اسمه الفيرولوجى
فاحنا لو حبينا نقول لحد ايه هو الفيرولوجى هيبقى انه العلم اللى بيدرس الفيروسات من كل النواحى الكيميائيه و السيرولوجيه و كمان طريقة تضاعفها و تكوينها للاصابه
يعنى جايبه جايبه :D
طب ايه هو الفيروس ؟
اسم فيروس هو جاى من الاسم اللاتينى لكلمة سم Poison و دى التسمية اللى اطلقها العالم وليام بيجرنيك اول لما اكتشف ان فيه مسببات مرضيه غير معروفه (استسهل يعنى :D)
و بنقول انه مسبب مرضى لا يرى بالميكروسكوب الضوئى يتضاعف و متخصص
طب بتتكون من ايه الفيروسات دى ؟
اولا الفيروسات تعتبر كائنات غير حية و فيه مشاكل كبيره بين العلماء بسبب الموضوع ده لان حبه يقول حيه و التانين يقولو لا هى جماد
فاحنا خلونا نسميها ممرض عشان نريح دماغنا
هى فيها حمض نووى سواء DNA و بعضها فيه RNA
و الحمض ده ملفوف حواليه غلاف اسمه الكابسيد من البروتين
و فيه حبة فيروسات مفتريه بيبقى حواليها كمان غلاف من الليبيد :O *موسيقى رعب هنا*
اولا كده عشان نبقى ع بينة الانفلونزا فيروس مبينفعش معاه المضاد الحيوى :D ولا ديتول ولا صابونة لاف بوى حتى
و كل كائن حى ربنا خلقه ف الدنيا ليه الفيروس المتخصص ليه حتى اصغر الكائنات
طيب ياترى الفيروس حاجه وحشه ؟ مؤذيه يعنى ؟
مفيش حاجه وحشه تماما و مفيش حاجه حلوه كويس كل حاجه فيه الخير و الشر فالفيروس بالرغم من الامراض اللى بيسببها بعض عائلاته فيه فيروسات نافعه جدا و بنستخدمها بدل المواد الحافظه و بدل المبيدات
ليه؟ ده بسبب طريقة تضاعف الفيروس اللى هنتكلم عنها بعدين :D
لو عندك اى سؤال اسال و هنرد عليك
اعملو شير للصفحه و اعملو see first