بكتريا من الافلام !! Chestburster

ازيكم
مين فينا متفرجش ع فيلم Alien و شاف الكائن الفضائى و هو بيطلع من صدر جون هرت :O المشهد ده جابلى كوابيس كتير اوى و انا صغيره ههههههههههه كان نفسى احطلكم صورته بس قلبكم مش هيحتمل
فيه بكتريا بتعمل كده تخيل :D

البكتريا على طبق بترى

Photorhabdus luminescens هى بكتريا معويه و مميته

بس من حسن الحظ من مميته لينا لا للحشرات :D و  هى بتعيش جوا نوع من النيماتودا لا و كمان بتعمل لون اخضر بينور او ازرق اكنها كائن فضائى
هى بتفضل جوا النيماتودا اكنها الباص بتاعها لحد ما تلاقى النوع المناسب ليها زى يرقة فراشه ملظلظه :D
هى بتدخل و تحاول تلاقى مجرى الدم و بعدين تبدا تفرز توكسيناتها و انزيمات تحلل اليرقه و بتفرز مضادات حيويه عشان تمنع اى بكتريا تانيه من انها تاكل معاها
لحد دلوقت العلماء مش متاكدين ليه البكتريا دى بتنور كده
و اوقات بتوصل للانسان بس ع فكره وجود البكتريا دى فى اى جرح معناه انه بدا يخف يعنى اشاره كويسه لانه زى ما قولنا بيفرز مضادات حيويه بتقتل اى ميكروب تانى 
و ده شافوه وقت الحرب الاهليه فى امريكا و سموه توهج الملاك :D

وجود البكتريا داخل النيماتودا