الفطريات
اس اس السلام عليكم
ازيكم
:D يارب دايما بخير كام مره شوفنا العيش فيه اخضر و ماما تزعق و تقول عشان محطناهوش ف التلاجه ؟ كام مره شوفنا البصل فيه حاجه زى الرمل بس سودا؟ كام مره قولنا ع الجبنه الركفورت معفنه
:D ؟ كام مره سمعنا عن البيكاتا بالمشروم و ياريت تكون ويل دون :D؟ ؟ ده هو موضوعنا دلوقت
^_^ فى عالم الميكروبيولوجى فيه مملكة كامله اسمها مملكة الفطريات
👑الفطريات عالم واسع جدا الاول قالوا انه من النبات اول لما اكتشفوه بعدين قالوا لا ده لا شكل نبات ولا هيئة نبات نخليه حيوان (ربنا يسامحهم
:D ) بعدين قالوا لا ده مش حيوان هنحطة ف مملكه لوحده و يبقى ملكه ملكه متوجه لوحده كده قبل ما نتكلم عن الملكه المتوجه عايزين نعرف حبة مصطلحات كده ع الماشى
انت تعرف ان مصطلح الميكروبيولوجي يعني
Micro = small
Bio=life
Logy = study of
عشان هو بيدرس الكائنات اللى مبنشوفهاش بعينينا زى البكتريا و شلتها
و ف الميكرو فيه انواع بنقول عليها اولية النواه يعنى مادتها الوراثيه سايحه ف الخلية ( مش لاقية غشاء نووى يلمها ) زى البكتريا و نوع حقيقى يعنى نواته ملمومه ف غشاء نووى زى الفطريات عشان كده بنقول ان الفطريات حقيقة النواه
الفطريات مملكه واسعه جدا فيها الخماير و الاعفان و المشروم و بتتقسم لانواع كتيره جدا لانها مملكة كامله
و بيتم التكاثر جنسيا او لا جنسيا ( بالتجزئة و الانقسام الثنائى و التبرعم و تكوين الجراثيم اللاجنسية)
و من هنا نعرف ان الجراثيم وسيلة للتكاثر مش زى ما الاعلانات بتقول انها بتسبب الامراض (ضحكوا عليناا)
#اهمية_الفطريات:
مفيش مكان فى الكون مفيهوش فطريات الا اماكن قليلة مفيهاش حياة اصلا , الفطريات بتستخدم فى الطعام زى المشروم و الكمأة( اللى مشوفنهاش الا ف ماستر شيف )
😂
و بتستخدم فى انتاج المضادات الحيويه زى البنسلين , بيتعمل بيها الجبن زى
الريكفورت و الكممبرت ( اللى هى الجبنه ف توم و جيرى المخرمة :D ) ده غير انها بتستخدم كمبيد للحشرات و ف نفس الوقت فيه فطريات زى الاسبرجلس ممكن تستخدم انواع منها لعمل اكل الشرق اسيوى و برده بتسبب امراض للنبات
ده اقل ما يقال عن الفطريات
اى حد عنده استفسار يحطه فى الكومنتات و هنرد عليه بأذن الله
شكر خاص للادمن الجديد معانا ميرنا
^_^ايه هو الفيروس
تعليقات
إرسال تعليق