جرثومة المعده Helicobacter pylori

*قاعدين ف محاضره*
الدكتور بيحكى قصه عالم هو و صاحبه عشان يثبتو ان مرض ما سببه بكتريا مش الاكل راح شرب مستعمره بكتريا
*بتصحى من النوم ع القصه المقرفه دى *
هو اللى قاله ده بجد ولا هو بيضحك علينا :O
طب ايه المرض ده :O وايه العك ده :O وانا دخلت الكليه ليه؟ و ماما عامله اكل ايه النهارده :D
المرض ده اسمه جرثومة المعده المرض اللى لما بيتطور بيعمل قرحة المعده (يارب الاء متشوفش البوست :D )
المرض ده كان الكل فاكرين ان سببه البهارات و التوابل لكن اتنين صحاب المانين كانو بيعملو بحث و مصممين ان سببه بكتريا و الكل عارضهم عشان المعده وسط حامضى قوى وصعب البكتريا تعيش فيها , راح مارشال شرب البكتريا :D و فضل مصمم ع موقفه لحد ما مراته قالتله خد مضاد حيوى و خلصنا ريحة فمك وحشه ( حتى اشجع الشجعان بيخاف من مراته ) و لما خد المضاد الحيوى فعلا خف و مبقاش عنده اى مشاكل و ده كان اثبات ان سبب المرض هو البكتريا .
طب انهى بكتريا دى بقى ؟
Helicobacter pylori او الملوية البوابيه
دى بكتريا عصويه قصيره سالبه لجرام و بتحتاج اكسجين قليل جدا و كمان بتتحمل الحموضه و عندها حزمة فلاجيلا ف جنب واحد بيخليها تتحرك و بسرعه كمان :D
بتسبب المرض ازاى ؟
المعده ليها طبقة مخاطيه بتحمى الطبقه الطلائية و الطبقة الطلائية تحتها, فتروح تحفر فى الطبقه المخاطيه و توصل للطلائيه عشان الحموضه فيها اقل و بتلزق هناك لا بتلزق حرفيا :D بتفرز مواد و بروتينات عشان تلزق هناك
80% من الحالات مبيظهرش لها اعراض و بما ان البكتريا دى بتصيب المعده و الاثنى عشر و اوقات الاعراض بتبقى غثيان و قيئ و الم فى المعده و بما انها بتحلل البروتين ليوريا فهتعمل ضرر للطبقه الطلائيه و ولما تنمو البكتريا و تعمل مستعمرات فده هيعمل التهاب فى المعده و ده ممكن يسبب ضمور و قرحه فى المعده و يزود فرصة حدوث سرطان فى المعده ( بالرغم ان حكاية السرطان دى لسه عليها ابحاث)
طب بنكتشف المرض ازاى ؟
بفحص الجسم المضاد فى الدم
و الانتيجين فى البراز
و فحص للزفير لليوريا عشان زى ماقولنا فوق انها بتعمل يوريا كتير و ريحة فم وحشه
ملحوظه مهمه اوى بقى هنا
لازم فى جرثومة المعده نروح للدكتور و لو كتب لينا كورس مضاد حيوى نكمله للاخر لان لو حصل للبكتريا دى مقاومه للمضاد الحيوي هيبقى علينا السكلانتية
ربنا يحفظنا و يحمينا :D
الموضوع ع الفيس بوك من هنا