روبرت كوخ : ابو الميكروبيولوجى الحديث

روبرت كوخ

روبرت هينيريش هيرمان كوخ, او روبرت كوخ للاختصار, يعتبر هو المؤسس للبكترولوجى الحديث
دكتور و عالم ميكرو المانى لو بدانا نقول هو عمل ايه مش هنخلص هنحاول نختصر ع اد ما نقدر من غير ما نقلل من قدره :D

اتولد سنه 1843 فى 11 ديسمبر و علم نفسه ازاى يقرا و يكتب قبل المدرسه بمعنى اصح كان عبقرى, لما اتم 19 سنه و دخل الجامعه اتخصص ف العلوم الطبيعية و بعد سنه و نص قرر انه يغير التخصص للطب وهو فى الترم الخامس (يعنى بعد سنتين و نص من دخوله للطب) ساعد عالم اسمه جايكوب هنيل( و ده عالم تشريح وعنده نظرية عن العدوى ), ساعده فى مشروع عن تركيب العصب الرحمى, بعدها هو بدا يعمل ابحاثه الخاصه و بدائها ببحثه عن افرازات حمض السكسينيك و اللى كانت الاساس لاطروحتة لبحث بعد كده و اتخرج سنه 1966 بمرتبة الشرف

طب هو عمل ايه ؟
هو اكتشف الميكروب المسبب للجمره الخبيثه اللى هو 

Bacillus anthracis

 و هو ميكروب عصوى موجب لجرام متجرثم , و هو اللى اكتشف انه بيكون جرثومه و ان الجرثومه دى بتقدر تستحمل بلاوى و تحت الظروف الملائمه الجرثومه دى بتكبر تانى و بتبقى بكتريا تانى قادره على العدوى , و بكده هو يعتبر اول واحد قال ان الامراض ليها سبب عكس الاعتقاد وقتها ان فيه توالد ذاتى للميكروبات

ده غير انه قال ان السل مرض معدى عكس اللى كان الكل بيقوله انه مرض وراثى و فاز بسببها بجايزة نوبل عن اعماله لمرض السل

و كمان قدر يعمل ابحاث عن الكوليرا ف مصر بس مكملهاش لان مصر قضت عليه, وراح ع الهند عشان يكمل الابحاث

ده غير انه لاحظ المناعه المكتسبه و ان الناس اللى ف غينيا الجديده كان عندهم مناعه ضد الملاريا عكس الباحثين اللى كانو جايين من الصين و الالمان و من هنا قدر يعرف ان الشخص لما بيتعرض لاصابه بيكون مناعه ليها

 و عمل اهم حاجه ف رايى اى عالم هى مقترحات كوخ

و هى عدة خطوات العالم بيعملها لما بيلاقى ممرض عشان يقدر يعزل الممرض ده
ان تحت ظروف التعقيم بيجيب النسيج المريض و يعمل منه عصير و بيبقى اسمه العصير المعدى
ثم بيجيب نفس نوع و سن الكائن سواء نبات او حيوان و بيحقنهم بالعصير المعدى
و بيسيبهم يتحضنوا
و بعدين يلاحظ الاعراض
و ده لسه معتمد خاصة للفيروسات و امراض النبات