لويس باستير : صحتك فى العلبة دى
 |
| لويس باستير |
عارفين مين ده (اكيد طبعا مانا كاتبه اسمه) الراجل ده ربنا جعله سبب لحاجات كتير اوى
تعالو لما نعرف هو مين من الاول :D
لويس باستير (او لوى باستور بالفرنساوى و قولوها وانتو قرفانين كده ) ده عالم ميكروبيولوجى و كيمياء و بيولوجى (3فى 1) فرنسى طبعا
اتولدت 27 ديسمبر 1822 و مات فى 28 ديسمبر 1895 يعنى و هو 72 سنه و يوم :(
كان عيلته فقيره و هو كان متوسط فى التعليم بيحب الرسم و الصيد اكتر (فاشل يعنى :P )
بعد كده سنه 1840 اتخرج من الجامعه الملكيه فى بيسانسون ببكالوريوس اداب و المفروض انه كان يكمل تدريس ف الجامعه لجانب انه يدرس علوم و رياضيات خاصة بس سقط فى اول امتحان 1841 و بعدها قدر ينجح فى العلوم العامه من جامه دايجون بدرجة متوسطه فى الكيمياء
و بعدها دخل مدرسة نورمال سوبيريور بس قرر انه يدخلها السنه اللى بعدها لان درجاته كانت قليله جدا و قرر يدرس ف مدرسة بينسون بابرت عشان يستعد و خد دروس فى مدرسة سانت لويس و محاضرات فى السوربون (اللى كانت ف قصة طه حسين :D )
و قدر سنه 1943 انه ينجح و بدرجه عاليه كمان و خد ماجيستير فى العلوم و بعدها بقى استاذ فيزياء فى جامعه تورنون
و بعدها بقى محاضر فى كذا مدرسه و جامعه
شايفين هو حياته فى الاول كانت كلها فشل لو حد غيره كان قال لا مش هكمل تعالو بقى نشوف هو عمل ايه :D
ورقه و قلم و اكتبى معانا يا ست الكل :D
اى حد درس كيميا حيوي يعرف حاجه اسمها ان المواد بتعمل تحويل للضوء
فكان فيه مشكله خاصة بحمض الطرطريك انه لما بيتم استخلاصه من الكائنات الحيه كان بيقدر يحول الضوء المستقطب
لكن لو صنعناه كيميائيا ملهوش اى تاثير على الضوء :O فما هذه الشعوذه
لويس لاحظ ان الحمض عباره عن كريستالات ليه وجوه كتشيييير
و راح لقى ان كمان فى المحلول الكيميائى بيتقسم نصين نص الكريستالات يمين و النص التانى يسااار :D فده بيخليه مخلوط اسمه راسيمى و قال ان النشاط الضوئى مرتبط بشكل الكريستالات و هى المسئوله عن تغير المسار الضوئى
و دى كانت اول مره حد يتكلم عن الكيراليه او عدم تماثل ذرات الكربون او الجزيئات و اول مره حد يتكلم عن المشابهات الضوئيه للمركبات
و ده يعتبر اعظم انجاز ليه كعالم كيميا بالرغم ان المؤرخين بيقولو انه اعظم اكتشاف ليه عموما طول حياته
نيجى للجزء التانى بقى
كميكروبيولوجيست هو عمل حاجات كتير لحد دلوقت لسه موجوده و كلنا بنستفاد منها
اولا كان زمان بيقولو ان الحاجه بتبوظ بسبب التوالد الذاتى يعنى حاجه من العدم بتعمل الفساد فى الاغذيه (الخمر بالذات)
هو قال لا لما بنعمل تسخين عالى جدا للمواد و نقفلها كويس اوى ده بيخلى مفيش فساد و خد عليها الهومبرت Alhumbert Prize و من هنا جت البستره لينا عشان تحمينا من الامراض و خدت اسمها من اسمه :Din 1862
دى صورة التجربه و دى الفلاسكه اللى استخدمها اسمها عنق البجعه :D
طب عمل ايه كمان ؟
تعرفوا كوليرا الدجاج ؟ ده مرض قاتل للفراخ و مشكله لاى مزرعه
هو لاحظ ان لما الدجاج خد بكتريا من المرض كانت ضعيفه مماتش :O و لما كرر العمليه مع الفراخ دى ببكتريا ضعيفه الفراخ تعبت بس مماتتش فعرف ان البكتريا المضعفه ادتهم مناعه و من هنا ظهر تطعميات الحيوانات :D
طب و الجمره الخبيثه او Anthrax هو قدر يعرف ان تنمية البكتريا دى على 42 درجه بيخليها متعملش جراثيم و نقدر نخليها تطعيم
ده غير انه عرف ان الحيوانات ممكن تتعدى من دود الارض اللى بياكل من الحيوانات اللى اتدفنت فى الارض فقال للفلاحين انهم ميدفنوش الحيوانات المصابه لا لازم تتحرق
و زى ما قولنا روبرت كوخ هو اللى عرف انهى بكتريا بتسبب المرض ده
مين فاكر فيلم عضة كلب ؟
باستير قدر انه يعمل لقاح للسعار اى نعم وقتها هو مكنش دكتور و كان هتقبض عليه :D بس كلم دكاتره و قدر انه يعمل لقاح للسعار عشان يعالج طفل عنده 9 سنين
السعار لو متاخدش له تطعيم بيموت بس الطفل فضل عايش و بحاله جيده فده عرفهم ان السعار ممكن يتاخد له تطعيم
عارفين بقى بالرغم من كل ده هو معرفش الفيروس :D و كان بيتعامل مع كل دول انهم بكتريا مع ان السعار فيروس
بدا بدايه اقل من عاديه :D بس بالتحدى و الاصرار قدر انه يوصل و يبقى من اهم العلماء فى التاريخ
صاحب عملية البستره
صاحب التطعيمات
لويس باستير ^_^
دمتم بخير
تعليقات
إرسال تعليق