ازاى ابحث و اقرا مقال علمى ؟؟

البحث ف النت سهل و صعب
من كلمة واحده بتقدر تشوف نتايج كتييييير
بس مش كلنا بنعرف نبحث
بصو انا هنا هقولكم ازاى انا ببحث :D بخبرتى المتواضعه جدا
اولا ندخل ع الموضوع ده اللى فيه لينكات المواقع بتاعت الابحاث مواقع مهمه للابحاث
انا لما باجى ابحث بحب موقعين
الاول الباحث العلمى من جوجل لانه اسهل
و التانى الEKB بنك المعرفه المصرى لان عليه مواقع كتير موثقه
الاول هنتكلم عن الباحث العلمى (انا هتكلم ان حد ميعرفش ازاى بيبحث خالص)
احنا هنضغط ع اللينك و نستنى 5 ثوانى لحد ما الاعلانات تخلص لو فيه اعلانات  و نعمل تخطى الاعلانات
المهم لما ندخل على الباحث العلمى هتظهر زى جوجل عادى خالص بس مكتوب الباحث العلمى
هنكتب الكلمات بتاعت البحث بتاعتنا
الافضل تكون انجليزى لان هو ده اللى هتلاقى فيه الحاجات اللى عايزها للاسف
و هتظهر الصفحه دى

من الجنب اللى متعلم عليه بالاخضر ده بنختار احنا عايزين من سنة كام لحد كام
كل ما كان البحث جديد كل ما كان احسن
و نختار بقى البحث اللى شايفينه احسن
نيجى بقى للEKB
ده لازم الاول تسجل فيه فهندخل

 

بنختار عربى لو عايزين و لو هنكمل انجلش بنختار register او تسجيل 

بنختار نافذة القراء (الصفرا دى ) لان الباقى للاسف بتحتاج موافقة كليتك

بتملى البيانات و رقمك القومى و رقم تليفونك و تعمل انك موافق على الشروط و تسجل
هتستنى ميل التفعيل (ميزة البنك ده مش بس انه موثق و فيه معلومات كتير لا ده اوقات بيبعت كوبونات خصومات تستخدمها لما تشترى كتب 3:) )

فعلت الميل بتسجل دخولك

بنختار من فوق المصادر او sources
فيه مصدرين بحبهم شخصيا
springer و elsevier
اللى فوق دى لما دوست ع سبرينجر نختار اول واحده

ده السفير بنختار برده اول واحده

ده مربع البحث فى سبرنجر تقدر تكتب هنا ع طول او تدوس ع الترس

فى الجنب هتلاقى النوع او Type بتاع البحث يفضل تختار article بس و هنعرف بعدين ليه

و هتلاقى مكتوب فوق برده show documents puplished
دى بتكتب السنين اللى عايزها يفضل من اول 2013 لحد دلوقت و زى ما قولت كل ما كان اجدد كل ما كان احسن
طيب خلصنا سبرنجر

نيجى للسيفير

ده مربع البحث فى السيفير

هتبحث هنا او تختار advanced

ف اول مربع بتكتب الكلمات اللى عايزها (انا كتبتbiodiesel production from algea)
التانى عايز انهى جمله بالظبط (كتبت نفس الجمله )
التالت عايز ع الاقل يبقى فيه كلمة ايه على الاقل( مكتبتش حاجه )
الرابع من غير انهى كلمه (عادة بتشيل الكلمات زى from و and )
الخامس عايز العنوان بتاع المقال مكتوب فيه ايه (ولا كتبت اى حاجه ههههههههه )
و لو تعرف اسم الكاتب
و تختار السنين (اخترت من 2013 لحد دلوقت)

من الجنب ممكن تختار السنه و هكذا
كده بحثنا :D

كده خلصنا اول جزء :D فيه اى مشاكل ؟

نيجى للجزء التانى ماذا بعد البحث :D
انا هعرف ازاى
اولا لازم تعرف ان طرق نشر البحث العلمى كتير

1. فيه الرسائل العلميه ( ماستر و دكتوراه) 
2. فيه كتب 
3. فيه تقارير 
4. فيه نشرات 
5. و فيه دوريات و دى اللى تهمنا 

 دى تحتها كذا قسم

1. فيه المجلات العلمية زى virology journal 
2. فيه المختصرات ( و ده بيبقى ملخص البحث) 
3. فيه مراجعات او reviews (دى اللى تهمنا) 
4. و فيه فهارس 

 لما بنيجى نبحث فى المواقع اللى فوق هيظهرلنا ياما articles و دى بحث علمى فيه تجربه جديده بيجربها الباحثين و هنعرفه ان مكتوب لما نفتح البحث ان مكتوب انه article
ده مشكلته ان لسه فيه طرق البحث كتجارب و مش بيهمنا اوى

الريفيو بقى ده بيبقى كام باحث كده قاعدين و قالو يلا نقرا كل الابحاث اللى اتعملت عن الموضوع و نعمل ملخص ليهم كلهم :D
فده بيبقى احسن لان جايبلك القديم و الجديد من غير طرق التجارب و المسائل و الكلام ده كله

اى بحث بيبقى ليه ملخص او abstract ف اوله و من ده بتعرف اذا كان البحث مهم ليك ولا لا

فى المواقع اللى فوق دى كلها الابستراكت بتقدر تشوفه من غير ما تحمل ال PDF

لقيت المقال حلو و حملته

الخط الاسود ده جنبه DOI و ده رقم البحث لو عايز تبحث عنه (خاصة لو مقفول و عايز احمله من المواقع اللى بتفتحهم)
الاحمر جنبه نوع المقال اذا كان مقال بحثى او ريفيو او مينى ريفيو
الازرق ده عنوان البحث
الجنزارى ده اسامى الباحثين اللى عملوه
البنفسجى ده سنة البحث
الاخضر ده الملخص بتاع البحث او abstract

بكده قولنا المهم فى ازاى ابحث و اعرف البحث
هنتكلم بعدين بقى ازاى بكتب البحث و الريفرنس
المهم دلوقت فاهمين ولا لا
يارب اكون نفعتكم ^_^