ازاى بنعرف المرض ؟ مقدمه عن الاختبارات السيرولوجية

السلام عليكم
ازيكم :D
عمركم فكرتو ازاى المعامل بتعرف الامراض ؟ او ازاى بنعرف ان مسبب المرض ده بكتريا ولا فيروس
طب فيروس ايه او بكتريا ايه ؟
لو متابعينا على الصفحه هتعرفو اننا بننزل صور البكتريا و الحمد لله كلها شبه بعض ههههههههه
فلازم نكتشف الغامض و المثير و كونان مش اقل مننا :D
فاحنا هنتكلم حبه عن اسامى و انواع الاختبارات دى

طبعا اى مرض بيبقى ليه اعراض و الدكتور بيعرفها بس فيه امراض شبه بعضها بنعرفها ازاى بقى

اول حاجه عندنا الفحص الميكروسكوبى و اننا بنعمل الصبغ زى جرام مثلا
و فيه اننا ننمى على بيئات متخصصه و على حسب نمو البكتريا و قدرت انها تحلل ماده معينه بنعرف الميكروب (الكلام ده فى البكتريا طبعا )
مثلا على بيئة ماكونكى لو الميكروب خمر سكر اللاكتوز بعرف انه ايكولاى

فيه بقى اختبارات تانيه و هى السيرولوجية
كنا اتكلمنا قبل كده عن المناعه و تعريفها من هنا
السيرولوجى هى المناعه بس فى المعمل مش جوا الجسم :D
فهى بتعتمد على تفاعل الانتى جين و الانتى بودى بس فى المعمل

1. اختبار التلزن: و ده بيعتمد على ان فيه انواع من الانتى جين لما بتتحد مع الانتى بودى بتعمل تجميع زى اختبارات الدم 
2. اختبار اخترلونى: زى اللى فوق بس بيبقى فى اجار يعنى بعمل اجار و بعمل فيه ثقوب و اللى ف النص بحط انتى جين و اللى حواليه انتى بودى و اسيبه و هيعملى ترسيب 
3. الانتشار الشعاعى : ده اختبار بيتم فى طبق بلاستيك بيعتمد على الاجار الصلب و اننا بنحط الانتى جين او الانتى بودى مع الاجار ده و بنعمل ثقوب و بنحط الانتى جين او الانتى بودى (يعنى لو حطيت الانتى جين ف الاجار بحط الانتى بودى ف الثقوب و العكس)
4. المكمل : ده معقد بروتينى موجود عند اى انسان او حيوان فى كل حته فى جسمه الا السائل النخاعى و البول و لما بيكون الانتى جين موجود ليه انتى بودى متخصص ليه بيحصل للمكمل تثبيت و بيعمل تحلل لكرات الدم الحمرا 
5. اختبارات الهيم :بتقوم على ان فيه فيروسات بتقدر تجمع كرات الدم الحمراء و كمان تقدر تفكها بسبب زوائد على الفيروس , و ان كرات الدم الحمراء على مستقبلات مناسبه للفيروس اللى ليه القدره على تجميعها فلو مناسبين هيمسك فيها لو لا يبقى مش هيحصل حاجه 
6. اختبار عدم التجميع : نفس اللى فوق بس بحط انتى بودى فلو الانتى جين مسك فى الانتى بودى مش هيبقى فيه حاجه تمسك فيها كرات الدم الحمرا و بكده بعرف الفيروس ده ايه 
7. الاليزا : Enzyme Linked Immuno Sourbant Assay: ده اختبار سيرولوجى بيعتمد على اتحاد الانتى جين و الانتى بودى و ظهور النتيجه كراسب او تغير لونى و ده من اشهر و اهم الاختبارات السيرولوجيه اللى بتستخدم على مستوى عالى جدا خاصة ان بستخدمه عشان اعرف الفيروسات فى جسم الانسان زى فيروس سى و الايدز و هنتكلم عنه بالتفصيل بعدين 
8. اختبار flurance tech: ده بيعتمد على اتحاد الانتى جين و الانتى بودى بس الانتى بودى متعلم بماده فلورسنتية فلما بكشف عنه بيظهر نقاط حمراء و صفرا و حلاوته انى بقدر استخدم خلايا بدل الانتى بودى فبقدر اشوف ارتباط الانتى جين مع الخلايا خاصة النباتية 
9. Immuno sorbant Electron Microscope: زى اللى فوق بس ميزته انى بقدر استخدم كمية قليله من الانتى جين و الانتى بودى لا و كمان بشوف ارتباطهم تحت الميكروسكوب الالكترونى :O
10. western blot: بكشف بيه عن البروتين 
11. DOT Blot Immuno Assay: او الدبيا ده تفاعل بين الانتى جين و الانتى بودى مع وجود ترسيب لونى طريقة عمله مختلفه تماما عن الاليزا بس جماله انه ممكن يتعمل ف اى مكان و غير مكلف بتعوز ورقه نتيرو سيليوز و تقسمها مربعات :D 
12. IC-PCR: بيضخم الحمض النووى للانتى جين لما بيتفاعل مع الانتى بودى و بيخلينى استخدم كمية قليله و النتايج بتبقى واضحه

ده شوية من الاختبارات المهمه
و هنشرح فى الايام الجايه منهم حبه حبه
الموضوع يبان مرعب بس هو جميل جدا :D
و بكده يكتشف الميكروبيلوجيست الغامض و المثير