ديميتري إيفانوفيتش مندليف و الجدول الدورى

طبعا كلكم عارفين ديميتري إيفانوفيتش مندليف "Dmitri Ivanovich Mendeleyev ده عالم كيميائي روسي (8 فبراير 1834 – 2 فبراير 1907). له شهرة كبيرة لانه هو كان أول من فكر في النسخة الأولي من الجدول الدوري للعناصر قدر مندليف توقع الخواص الكيميائية للعناصر ال هى مكنتش مكتشفة في وقتها وكان بيجرى ويعرف الاوزان الذرية للعناصر ويطابقها بقانون الاوزان الذرية ويرتبها ف صفوف واعمدة بحيث العناصر ال زى بعض ف خصائصها الكيميائية تبقى ف نفس الصف ...
الجدول الدورى (صورة م كتاب مندليف ال نشره 👇)
طبعا مندليف لما كان قاعد بيرتب العناصر ف الجدول كان بيسيب مربعاات فاضية ليه ؟!! عشان كان متاكد ان ف عناصر هتكتشف وتتحط وتملى المربعات ديه يعنى مثلا تحت عنصر الالومنيوم والبورون والسيلكون كان ف مربعات فاضية وقال ع العناصر ال هتتحط ف المربعات ديه اكا المنيوم واكا بورون واكا سيلكون .... طبعا هتسالوا ايه ال اكا ده ؟! ده لفظ ف اللغة الهندية القديمة معناه واحد وطبعا لما العلم اتحدث شوية سنة 1875 اكتشفوا العنصر الاول ال هو (اكا المنيوم ) وال هو جاليوم وسنة 1879 اكتشفوا العنصر التانى ال هو (الاكابورون) وسموه السكانديوم وسنة 1885 العنصر التالت ال هو (الاكاسيليكون ) وسموه جرمانيوم وطبعا خصائص العناصر الجديدة ديه تتفق مع الخصائص العناصر ال مندليف توقعها (عالم عظيم فعلا)

قام بإختراع "بروكولوديوم", وهو نوع من بارود بدون دخان المبني أساسا على نيترو سيليلوز, وفى عام 1892 قام بتنظيم عملية تصنيعه
مندليف مهتمش بس بالكيميا فقام بتقديم النظام المتري للإمبراطورية الروسية.