عمرك فكرت ليه مبتحبش حاجه الكل بيحبها ؟
بشوف ناس بيصرفوا كل فلوسهم علي شكولا
وناس تانية شوفتها مش بتحب تاكل شكولا
طيب ليه ناس بتحب تاكل أكله وناس تانية لأ يا تري ايه السبب
لما مكنتش بشرب اللبن كانوا بيقولوا دا طعمه حلو جداً انتي مش بتفهمي حاجة في الاكل وإزاي مش بتحبي البسلة دا البسلة طعمها حلو اووي بس هي بالنسبالي مش طعمها حلو
يا تري هما بيضحكوا عليا
الإجابة لأ
مش بيضحكوا عليا هما بيتذوقوا شيء وانا بتذوق شيء تاني خالص
في ناس لما تشوفهم تقول عليهم انفين اوووي ويقرفوك انك تاكل حااااسب دول البريمو
Supertasters المتذوقون بدرجة عالية اووووي
وعندهم taste buds
براعم تذوق من 25:30 برعم تذوق علي لسانهم
دا بيخليهم حساسين اوي للطعم المسكر والمر
زي السكر والدهون مش هتلاقيم بيحبوا الشكولا ولا الشاي ولا البسلة مثلاً
ما تتريقش عليهم لأنهم تركيب لسانهم غير لسانك
ثانياً بالنسبة للناس المدمنة الشكولا وبتحب السكر جداً والدهون الناس دي بيبقي عندهم براعم تذوق اقل
هتلاقيهم اكيلة ومعظمهم مقلبظين
متتريقش عليهم بردو
ثالثاً بالنسبة للناس اللي بتجمع بين الصفتين الSupertasters and non tasters
هتلاقيم في الوسط بياكلوا سكريات بس مش اووي
الحمد لله لاقيت سبب اقنع بيه ماما اني مأكلش البسلة
انا اسفة يا عمو مندل حاولت أكلها علشانك بس السبب طلع وراثي
تعليقات
إرسال تعليق