الخميره :D Yeast
*ف البيت فى يوم من الايام* ماما انا جعان اوى
😶استنى يا امجد انا بعمل بيتزا النهارده تعالى ساعدنى لو مستعجل ع الغدا
🙄 حاضر بس بسرعه بقى
😅 *بيدخلو المطبخ*
ايه ده العجينه مترفعتش ليه ؟
😨 يا ماما ازاى ف البرد ده متسخنيش الفرن حبه عشان المطبخ يدفى
😮 كده الخميره مقدرتش ترفع العجين 
:( وانا مش هعرف اكل :O برد ايه يابو العريف ماحنا طول عمرنا بنعملها عادى
🤨 لا يا ماما الخميره بتحتاج كذا حاجه عشان تنمو و تقدر تخلى العجينه اكبر زى ما بنشوفها
انت بتتكلم عنها اكنها كائن حى
😨 هى فعلا كائن حى ياماما
:D الخميره هى كائن من الكائنات اللى بدرسها ف الكليه 
😎 و تعرف عنها ايه يا فلحوس
🙄بصى يا ست الكل اولا الخميره اللى بتستخدميها دى اسمها خميره الخباز
:D جبت التايهة
و هى من انواع الخماير المفيده و النافعه للانسان لانها مش بس بتستخدم ف العجن زى مانتى بتعملى بيها البيتزا لا دى لو زودنالها السكر او منعنا الهوا ممكن نعمل منها ايثانول و جلسرين و حبوب الخميره اللى بتاخديها ياماما كمان هى معموله منها فهى ممكن تنمو هوائيا و لا هوائيا
تقصد تقول انى عجينه اقصد باخد كائن حى جووايا
🤔 يع 
🤐 ايه يا ماما هو انا بقولك قتلتى قتيل ولا بقيتى زومبى ماحنا بناكل حاجات كتير جيتى ع المفيد و تخافى
:D المهم الخميره كمان ممكن نستخدمها فى انى اعالج المشاكل البيئة من غير اى كيمياويات تصدق حبيتها انا هعملكم كل يوم بيتزا
:D لا يا ماما مش كل الخميره حلوه فيه خميره اسمها كانديدا Candida ودى اللى بتعمل مشاكل فى الفم و دى اللى جننت بنت خالتى لما بنتها تعبت و بقى ف بقها غشاء ابيض
و فيه برده نوع تانى بيصيب بامراض مناعيه زى Cryptococcus neoformans و دى بتسبب cryptococcosis فى مرضى الايدز اى نعم بنسبه قليله بس هى خطيره اوى
😅 سبحان الله هى اد ايه عشان تعمل كل ده
😶 لا يا ماما دى صغيره اوى دى 3–4 µm و الميكرون ده واحد ف المليون فى المتر و هى شكلها دائرى و هى بتتكاثر بالتبرعم فممكن نشوف البراعم عليها و بتبقى لوحدها او بتتجمع جنب بعض و تعمل حاجه زى الفطر بس بتبقى كدابه يعنى
:D و هى بتنمو يا ماما على حراره متوسطه لحد 60 درجه فالمطبخ بارد اوى و مش هتنمو كده :D هو انت لو الواحد مقالكش اسكت مبتسكتش
-_- ايه كل الرغى ده 
:/ نسيتنى منك لله انى هعمل سينابون :D يلا سخن الفرن عشان المطبخ يسخن شويه عشان الخميره تدفى و نعرف نتغدى :D و انتو بقى كنتو تعرفو ان الخميره حاجه حلوه كده ؟
#دمتم_سالمين
تعليقات
إرسال تعليق