On The Clouds

السلام عليكم ازيكم :D الاسبوع اللى فات نزلنا فيلم Outbreak و سؤالنا كان ايه هى عدد مستويات الامان فى المعمل اتجاوب على السؤال من عضوه واحده بس :D المهم لما تيجى تشتغل فى معمل لازم تحدد هو مستواه كام فيه 4 مستويات للامان الحيوي المستوى الاول BSL-1:  دى اقل مستوى خطر, بتتعامل فيه مع حاجات مبتسببش اى ضرر للانسان يعنى بكتريا غير ممرضه زى Bacillus subtilis , Saccharomyces cerevisiae , حاجات الخطر بتاعها قليل جدا  فتبقى الاحتياطات قليله يعنى البالطو,و الجوانتى,النظارات لو فيه تجربه فيها تطاير, الكمامه, التجارب على البنجات عادى, بس بالرغم من ده الاكل و الشرب ممنوع تماما فيها لان حتى لو كانت الاخطار قليله مش معناه انها امان :D و غسل الايد قبل دخول المعمل و بعد دخوله المعامل اللى فى المستوى ده ف الغالب هى معامل المدارس و الجامعات  المستوى الثانى BSL-2: هو زى الاول بس بشوية حاجات زيادة  عادة الناس اللى فيه بيبقى عندهم خبرة من التدريب المعمل مش اى حد يدخله خاصة لما يكون فيه شغل فيه احتياطات كتير لما بيتم الشغل بميكروبات خطره ده غير انك بتتعامل مع حاجات ممكن تعدى الانسان

اهلا و مرحبا بكم فى برنامجنا المشهور مش اوى يعنى برنامج ميكرو سنيما (تصفيق) 👏 معاكم فريقكم المحبوب المشهور المعروف من كل الناس من الكوكو فريق GIB 🕺 السنيما عالم واسع كلها بنحب نشوفه سواء انيميشن او اكشن ممكن الفيلم الواحد يدينا ملايين المشاعر 😄 مين فينا مشافش سيمبا و عيط ع موفاسا ؟ مين فينا مكنش نفسه ف جنى زى علاء الدين ؟ مين...... * ميكو محدش بيشوف الحاجات دى غيرك انتى بتبوظى البرنامج 😡 حاضر حاضر هسكت* اسفه على المقاطعه اعضاء الفريق كانو بيشيدو بتقديمى 😄 كنا فين ؟ اه صح السنيما عالم واسع اوى و الميكرو كان ليه نصيب من العالم ده سواء بفيلم بيوضح ازاى بيتم التعامل مع الامراض او بفيلم عن نهاية العالم او بقصة حب ف زمن الكوليرا :D ولان اللى شاف مش زى اللى قرأ ف برنامجنا ده هنعرض كل جمعه فيلم ليه علاقه بالميكرو بناحية او باخرى عشان نعرف ازاى الكائن الصغير ده ازاى بيشغل عقول الناس ف كل حته و الليله مع اول فيلم معانا الفيلم اسمه Outbreak او انتشار او اندلاع الفيلم بيتكلم عن فيروس انتشر و محدش عارف ازاى هيواجهه ياترى هيعملو ايه الفيلم من

السلام عليكم ازيكم الموضوع ده عماله باخر فيه عشان تخلصو امتحانات :D اولا شكرا لازم لدكتور سليم ^_^ ده كان دكتور البحث بتاعى و الصراحه هو خلانى اعرف ازاى اعمل البحث من الاول للاخر فجزاه الله عنا كل خير :D احنا المره اللى فاتت اتكلمنا عن ازاى نبحث خاصة من بنك المعرفه المصرى و ازاى اقدر اعرف البحث اللى طلع ده نافعنى ولا لا و زى ما قولنا من الملخص او abstract الموضوع من هنا ازاى ابحث و اقرا مقال علمى وليكن اننا جمعنا كام ريفيو حلو عندنا حلين نترجم الريفيو كله  ناخد من الريفيو بالانجلش الجزء اللى محتاجينه بس وده بيبقى على حسب انت بتحب ايه و الدكتور بتاعك قالك ايه انا عن نفسى روحت خدت الاجزاء اللى عايزاها بس من الابحاث و بعدين ترجمت فده اختصر وقت كبير بدل ما كنت اترجم 4 ريفيو ثم اكتب البحث بتاعى :D فيه حبة نقط كده الجداول مبتترجمش  الصور مبتترجمش  الريفرنس مبيترجمش  اسامى العلماء مبتترجمش  اكتب الريفرنس اول باول  يعنى لما نكون بنترجم و تيجى الحاجات دى بتتكتب زى ما هى بالظبط :D  تمام نيجى للكتابه نفسها  الاول بكتب مقدمه عن الموضوع بتاعى و تاريخه بعدين بكتب عن

ازيكم قاعده بتمشى فى الفيس لقيت صفحه بتاعت عناية بشرة و بتقول ان الهربس فطر و هنا اشتغلت الشعشعرات الميكروبيلوجيه جوايا :D اولا الهربس او Herpes simple virus هو فيروس مغلف حمضه النووى ds-DNA ليه نوعين HSV1 و ده بيصيب الفم و اللسان HSV2 و ده بيصيب الاعضاء التناسلية الهربس فى الغالب ملهوش اى اعراض و حتى وقتها ممكن انه يعدى الناس جدا (يعنى ميبقاش باين عليك اى علامات او حبوب على وشك بس انت بتعدى الناس عادى) و اوقات بيبقى ليه اعراض اللى هى البثور المعروفه دى -_- اللى بتبقى عايز تولع فيها و لما بيبقى فيه البثور دى بتبقى امكانية العدوى اقوى بكتيييير اوى (نبطل بوس لما بنسلم بقى) الهربس بينشط لما بيكون الانسان متوتر او حصل ضرر للبشره و حروق او لما بيحصل اى عدوى فيروسية تانيه ( زى الانفلونزا) الهربس بيصيب الخلايا الطلائية فى الجسم و بيدخل للنواه و يتضاعف و يخرج من الخليه لخليه تانيه و اوقات الهربس بيوصل للخلايا العصبيه و ياخدها زى بيته و يتضاعف هناك و كل فتره يخلى جزء منه يروح يعمل اصابه على الفم تانى الهربس مش بس بيظهر على الفم لا كمان على الاصابع لو لعبت فى البثور و المصارع