ازاى اكتب بحث التخرج ؟؟

السلام عليكم
ازيكم
الموضوع ده عماله باخر فيه عشان تخلصو امتحانات :D
اولا شكرا لازم لدكتور سليم ^_^ ده كان دكتور البحث بتاعى و الصراحه هو خلانى اعرف ازاى اعمل البحث من الاول للاخر
فجزاه الله عنا كل خير :D
احنا المره اللى فاتت اتكلمنا عن ازاى نبحث خاصة من بنك المعرفه المصرى و ازاى اقدر اعرف البحث اللى طلع ده نافعنى ولا لا
و زى ما قولنا من الملخص او abstract
الموضوع من هنا ازاى ابحث و اقرا مقال علمى

وليكن اننا جمعنا كام ريفيو حلو
عندنا حلين

1. نترجم الريفيو كله 
2. ناخد من الريفيو بالانجلش الجزء اللى محتاجينه بس

وده بيبقى على حسب انت بتحب ايه و الدكتور بتاعك قالك ايه
انا عن نفسى روحت خدت الاجزاء اللى عايزاها بس من الابحاث و بعدين ترجمت فده اختصر وقت كبير بدل ما كنت اترجم 4 ريفيو ثم اكتب البحث بتاعى :D
فيه حبة نقط كده

1. الجداول مبتترجمش 
2. الصور مبتترجمش 
3. الريفرنس مبيترجمش 
4. اسامى العلماء مبتترجمش 
5. اكتب الريفرنس اول باول 

يعنى لما نكون بنترجم و تيجى الحاجات دى بتتكتب زى ما هى بالظبط :D
 تمام نيجى للكتابه نفسها 
الاول بكتب مقدمه عن الموضوع بتاعى و تاريخه
بعدين بكتب عن كل جزء من البحث مقدمه تعريفيه و ليكن انا كان بتاعى انتاج الديزل من الطحالب
روحت كتبت الاول عن الطحالب و تعريفيها و كتبت عن اجيال الديزل :D
بعدين بتكتب متطلبات الصناعه و الشروط بتاعتها
و طرق الانتاج
و مع كل حاجه لو تعرف تحط جدول و صوره هيبقى حاجه حلوه جدا :D
جمعنا المعلومات اللى عايزينها :D
 نيجى للريفرنس

فيه الريفرنس اللى بيبقى جنب الكلام زى ده زى ما قولنا ده مبيترجمش و بيكتب ازاى 
لو كذا عالم بيتكتب اسم العالم الاول و et alو بيتحط نقطه و فصلة و سنة البحث 
لو عالمين بيتحط اسم العالم الاول و اسم العالم التانى و فصله و سنة البحث
(Farrell and Gopal, 2008) طبعا بين قوسين 
لو عالم واحد بقى بيبقى اسمه و فصله و رقم السنه
(Chisti, 2007). زى كده 
طب لو كذا عالم ف كذا بحث اقتبسو العمل 
حاجة زى كده 

وهذا الوقود الحيوى يعطى مزايا اكثر مقارنة بالجيل الاول لانه لا ينافس مخزون الطعام ولديه محصول اكبر ومتطلبات اقل (Noraini et al., 2014; Ross et al., 2010).

 بنكتب الريفرنسين و بينهم فصله منقوطه :D

طب لو قدامى بحث فيه حاجه زى كده

الريفرنس مكتوب بالارقام و هما 4 ريفرنس :O
سهله اوى بننزل على الريفرنس تحت

هنا قالى الريفرنس 4 و 8 الى 10
هنكتبها كده
(Vicente et al., 2004; Freedman et al., 1986; Narasimharao et al.,2007; Lotero et al., 2005)
الاسم الاول لاول عالم و نشوف كام عالم لو اكتر من واحد نكتبها et al و هكذا :D
طبعا ف اخر كل جمله تامه بنحط نقطه full stop
فيه حاجه مهمه
ف اى بحث بتعمله لازم ف اخر حاجه تعمل قايمه بالريفرنس او المراجع
كل شخص ليه طريقه بيكتبها
بس ف رايى اكتر حاجه بحبها هى الطريقه دى

Ketheesan, B., Ninnalakhandan, N. (2011). Development of a new airlift-driven raceway reactor for algal cultivation. Appl Energy 88: 3370–3376.

اسم عائلة العالم Ketheesan,
و فصله واول حرف من اسمه B.,
و نقطه و فصله و اسامى العلماء اللى معاه بنفس الطريقه Ninnalakhandan, N.
ثم سنة البحث(2011).
و اسم البحث Development of a new airlift-driven raceway reactor for algal cultivation.
و اسم المجله Appl Energy
و عددها 88
و صفحاتها 3370–3376.
 و اكتب الريفرنس ده ازاى ؟
بصو وانت بتشتغل و بتكتب الريفرنس جنب الجمل شوف ده انهى ريفرنس تحت فى جزء المراجع و اعمله فى ورد لوحده مثلا 

ده الريفرنس رقم 116 هندور عليه تحت 

هناخده كوبى و نحطه فى Word هو و كل الريفرنس بتاعتنا
و لما نخلص البحث و نخلص ترجمه نروح مظبطين الريفرنس زى ما قولنا فوق
دى تقريبا اهم النقط المهمه اوى اللى لازم كل واحد يعرفها
حاجه كمان 
احسن خط تكتب بيه بحثك و هيبقى شكله تحفه فى البحث هو Times new romans و حجم الخط 14
و ده فايل كنت عملاه على جوجل فيه PDF ماده البحث و مادة البحث بتاعتى 
مادة البحث