تسوس الاسنان
يا بابا سنانى واوا ودينى عند الطبيب 😨
ماهو لو انتى بتسمعى الكلام مكنتش هيحصل لا واوا و كنت هوفر الفلوس -_-
دى النسخة الاصليه لاغنية سنانى واوا اللى خنقونى بيها من كام سنه :D
طب وليه نستنى الواوا ما نشوف ايه سببها الاول (ايه الاسلوب العيالى ده :D )
تسوس السنان هو البعبع الاول اى ام بتخوف بيه اى طفل ( او بعبع بالنسبه لى انا :D )
تسوس السنان ليه كذا سبب و هنتكلم عن السبب البكتيرى :D ( المكان مكانا و البكتريا بتاعتنا)
الفم فيه بكتريا متواجده بشكل طبيعى ف كل حته فيه و فيه انواع كتير بتسبب التسوس بس اشهرهم نوعين Streptococcus mutans و Streptococcus sobrinus و مع اللاكتوباسيلس اللى اتكلمنا عنه قبل كده
الستربتوكوكس عموما هو بكتريا موجبه لجرام كرويه و بتتواجد بشكل سلاسل طب و البكتريا دى بتعمل ايه ؟
احنا لما بناكل بيتبقى بعض الاكل بين السنان و الاكل ده فيه سكر
فيه انواع من السكريات كتيير اوى و صدق او لا تصدق اهو الستربتوكوكس خاصة Streptococcus mutans بتهضم السكريات دى و بتنتج حمض اللاكتيك
لحد هنا حلو صح
تعالى بقى حمض اللاكتيك ده مع الترسبات اللى ع السنان و بتتسمى plaque
بتاكل فى السنه و بتعمل التسوس
طب و اقدر اقلل خطر ان سنانى تتسوس ازاى ؟
زى ما بنقول للاطفال :D نقلل السكر و الحلويات و نغسل السنان مرتين ع الاقل فى اليوم
و يا سلام على الفلوريد :D بيستخدم فى معجون السنان و فيه علاج بالفلوريد :D
ملحوظه ع السريع
فيه اطفال صغيرين بيجيلهم تسوس و ده بيبقى اوقات بسبب ان الناس بيفضلو يبوسو العيال و بيوصل بكتريا منهم للاطفال 😨
فياريت الاطفال خاصة الرضع محدش يبوسهم مش من عسلهم يعنى :D
ادى اهلهم فلوس الفلوس احلى من البوس :D
غسلت سنانك النهارده ؟ :D
