البريون : بروتين من الحجيم ! ام منا نحن ؟
مرض جنون البقر و عبط الجديان و هروب الخرفان و هبل النسوان #بصوت هنيدى
اكيد مفيش حد سمع عن جنون البقر, بس سمعت عن البريون او prion ؟
النوع ده ليه دور فى التواصل بين الخلايا و بين المخ و الخلايا فدوره مهم جدا
طب طالما هو حلو كده ايه اللى بيحصل :D
حاجه مش هتتوقعها
عارف بدل لما يتطبقو بشكل الفا هيليكال (حلزون الفا) بيبقى صفيحة بيتا )beta sheet) ووقتها بيبقى اسمه PrPSc
و بيقدر انه يحول البريون الطبيعى لبريون مرضى بالتلامس بس :O
فيه نوع بقى بيبقى مقاوم لانزيم البروتينيز اسمه PrPres
البريون فى الاصل اللى هو الطبيعى لحد الان مش معروف هو بيعمل ايه :D بس فيه نظريات اتنشرت
زى مثلا سنة 2005 كان فيه ريفيو بيقول ان البريون ليه دور فى ذاكرة المدى البعيد و سنه 2006 فى معهد وايت هيد طلع بحث بيقول ان ليه دور كبير فى تجديد نخاع العظام و بالتالى للخلايا الجذعية
 |
| نسيج مصاب بجنون البقر لاحظوا الثقوب |
البريون المعدى اكتشفوه فى الستينات فى لندن و اول مرض عرفوا انه بيعمله هو السكرابى فى الماعز و الاغنام
و بعدين جنون البقر
و فى الانسان وجود البريون المعدى بيسبب مشاكل وامراض كتير زى الارق الوراثى المميت و فيه نظريات بتقول ان كمان بيسبب الزهايمر و مرض كورو Kuru و ده نوع من الالتهاب الدماغى الاسفنجى المعدى
الاصابه
ممكن تتصاب بيه من اكل لحمه فيها البريون المعدى ده عشان كده وجود جنون البقر فى بلد حاجه خطيرة جدا
بالمناسبه البريون مش بس بيصيب الانسان و الحيوان لا ده كمان بيصيب الفطريات و الخماير و القطط و الغزلان و النعام
لانه زى ما قولنا اصلا بروتين موجود طبيعى جدا فى الجسم
طب بيتضاعف ازاى
البريون بيتضاعف بالتلامس فممكن بريون واحد معدى يلمس واحد تانى فده يتحول (زى الزومبى )
طبعا الحل ان الحكومه تعدم الابقار المصابه و نتاكد من مسحوق اللحم و العظام و الدم اللى بيتحط فى عليقة الابقار و الماشية عموما
و حل كمان البقر عملو عريضه عشان يقولوه و هو :
