الفيروسات الرجعية : retrovirus
الاول نتكلم عن انواع الحمض النووى الفيروسى
انواع الحمض النووى للفيروسات :D
الفيروسات ملهاش نوع واحد للحمض النووى زى البشر لا فيها حبه DNA و حبة RNA
بس كده لا
ورقة و قلم و اكتبى معايا يا ست الكل
الفيروسات فيها الى بيبقى DNA حبه منهم بيبقى ليه شريطين و ده ds-DNA
و منهم ليه شريط واحد ss-DNA
فيه بقى اللى RNA وده هوجه :D
اولا RNA ده هو الDNA بس السكر اللى فيه كامل ومش ناقصله اكسجين و كمان بدل T فيه قاعده اسمها يوراسيل U
و هو عادة شريط واحد بس فعشان كده سهل التطفر جدا (ومعظم الفيروسات من النوع ده فبتطفر بسهوله)
فيه منه انواع
ds-RNA و ده قليل
SS-RNA و ده ليه نوعين
واحد موجب و التانى سالب
الموجب ده بيدخل يسيطر على الريبوسوم (مركز تصنيع البروتين فى الخليه ) ع طول
و السالب بيدخل يتحول لموجب و بعدين يسيطر على الريبوسوم
يعنى هتمشى ع مزاج الفيروس فى كل الحالات :D
و ده هدف الفيروس هو السيطره على الخليه عشان يقدر يكون نفسه
احترس من شر من لا تراه بالميكرسكوب الضوئى
نيجى للكبير اسياد التخفى :D مش الحربايه لا الفيروسات
زى ما قولنا فى البوست اللى فات ان فيه انواع مختلفه للحمض النووى للفيروسات
فيه منهم بنتمى ل ss-RNA الموجب اسمه Retrovirus او الفيروسات الرجعيه
بس الفيروسات من النوع ده خبيثه حبتين
بتدخل زى اى فيروس كيوت عايز يدمر الخليه و ينشر نفسه و بعدين تدخل على النواع زى اى فيروس كيوت عايز يدمر الخليه
و تروح بانزيم ريفرز ترانسكريبتيز reverse transcriptase تحول الRNA ل DNA
و تدخل النواه و تستخبى جوا الحمض النووى للخليه ذات نفسه و تتضاعف معاه
لحد ما الجهاز المناعى يضعف تروح سايبه مكانها فى حمض الخليه و تبدا تسيطر على الخليه
و تبدا رحلتها فى التضاعف
تركيب الفيروس الكامل فيها هو :غلاف من الليبيد و الكابسيد البروتينى و الحمض النووى و حبة بروتينات كده
زى gag او Group-specific antigen و دى فيها الكود للبروتينات البنائية و ده بيكون جزء من بروتينات الدخول للخلية
و انزيم البروتييز و بروتينات تانيه بتساعد للدخول فى الخلايا
ده الموضوع باختصار من ناحية التركيب
النوع ده من الفيروس بينتقل من الخليه للخليه
او سوائل الجسم
و فيه انواع بتنتقل بالهواء زى Jaagsiekte sheep retrovirus
الصوره اللى تحت لتركيب فيروس من فيروسات المجموعه دى و هو HIV او فيروس المناعه البشرى المسبب لمرض نقص المناعه المكتسبه الايدز
الريترو فيروس مش وحشه اوى كده اه هى عايزه تخلص على الجسم و بتدمره بس عادى احنا فاهمينها غلط :D
تعرف اننا بنستخدمها ف العلاج ؟
اه سمعتها صح
فيه علاج اسمه العلاج الجينى او Gene therapy
و ده فكرته اننا نوصل الحمض النووى لخلية المريض على انه علاج
مثلا واحد عنده خلل جينى معين و عامله مرض ف حاجه و الحاجه الجينية مينفعش فيها ادوية فبنعالج المريض باننا نديله الجين الصح :D
الموضوع بدا من سنه 1980 و هو مش سهل ده صعب جدا
ازاى ندخل حمض نووى للخلية ؟
اى حمض نووى غريب بيدخل الخليه الخليه بتدمره بس زى ما قولنا الفيروسات الرجعية بتدخل و تتحد مع حمض الخليه النووى لا و كمان بتتكرر معاه
فتستخدم الفيروسات دى كحامل او ناقل للجين اللى عايز ادخله للخلية
طب و ايه تانى ؟
فيه انواع من الفيروسات دى بتسبب سرطانات زى فيروس Rous sarcoma virus ده فيروس فيه جين اسمه src بيحفز نمو السرطانات و تكوينها و الجين ده لاقوه بعدين فى الخلايا
استنى كده دى كده رجعت وحشه تانى :D
الصوره اللى تحت بتوضح وجود استخدام الفيروسات كناقل للعلاج الجينى
ف الاخر ده فيديو للموضوع
شغلوه بالكابشن عشان تظهر الترجمه
