الطحالب كمصدر طاقه متجدد و كعلاج
الســــلام عليــــــكم 😄
فــاكرين الموضوع ده ( حد فيكم متابع كوري او ياباني؟ يلا بينا نشوف بياكلوا ايه! ) ؟؟
اتكلمنا فيه عن نوع من الاكلات اللي بياكلوها و هو الطحالب و خدنا فكره سريعه عنها
النهارده هنكمل بقيته و هنعرف اهمية الطحالب بالنسبه لمصادر الطاقه اللي اتكلمنا عليها و مستحضرات التجميل كمان
أولاً: استخدام الطحالب في انتاج الغاز الحيوي
استخدامات الغاز بتكون عديده منها استخدامه كمصدر رخيص و بديل عن الغاز الطبيعي، كمان ممكن يستخدم في انتاج الكهرباء، و ممكن يتم ضغطه و يستخدم كوقود للدراجات البخاريه.
فالطحالب عندنا ليها القدر على انتاج البيوجاز او الغاز الحيوي و اللي هو طاقه متجدده عن طريق انها بتحلل المواد العضويه زي بقايا الأكل او المخلفات الزراعيه او روث الحيوانات و بتنتج في ظروف لاهوائيه الغاز الحيوي اللي بيحتوي 60-70% منه على غاز الميثان و الباقي ثاني اكسيد الكربون اللي ممكن يتعاد استخدامه تاني في تغذية الطحالب لانها بتحتاج مصدر للطاقه و ثاني اكسيد كربون علشان تنمو و بيحتوي كمان على و كميات ضئيله من غازات تانيه.
ثانياً: استخدام الطحالب في انتاج الكهرباء
و لكن العمليه دي بتحتاج اننا نجفف الكتله الحيويه المستخدمه علشان كده بتستهلك كمية طاقه كبيره.
ثالثاً: استخدام الطحالب في انتاج الديزل الحيوي
طبعا كلنا عارفين الديزل و انه بيستخدم كوقود في محركات السيارات بس الديزل العادي بيكون ليه اضرار البيئه و البشر و غير انه غالي .. الديزل الحيوي بينتج من الطحالب و بيستخدم كوقود للسيارات و هو أمن جدا على البيئه لأنه من مصدر حيوي و كمان مش غالي و لكن تطبيقه مش منتشر اوي في البلاد.
من ناحية المنتجات الطبيه اللي بتنتج من الطحالب فهي كتير من اهمها :
1) ماده اسمها بيتا 1,3- جلوكان و دي ماده محفزه للمناعه و بتخلص الجسم من الشقوق الحره الموجوده فيه و بيقلل كمية الدهون في لدم.
كمان الماده دي ليها دور فعال في معالجة تقرحات المعده و الجروح و الامساك. كمان ليها دور في علاج بعض الامراض منها انها تعتبر مضاد للأورام.
2) انتاج فيتامينات عديده منها B1, B2, B6, B12, C, E, nicotinate, biotin, folic acid and pantothenic acid
3) مضاد للألتصاق البكتيريا و بالتالي بيمنع الاصابات البكتيريه.
4) في ابحاث قالت انه بيتم حاليا الاهتمام بتنمية نوع من الطحالب اسمه Caloglossa leprieurii و اللي بيستخدم كمضاد للأصابه بالديدان.
هنكمل الجزء المتبقي في الموضوع الجاي ان شاء الله
Stay safe..Stay tuned
تعليقات
إرسال تعليق