افلاتوكسين
قاعد مستكنيص بيتفرج على MBC2 ووراه امتحان بس الافلام الحلوه كلها جايه دلوقت
:D و بياكل سودانى , ووسط الاستمتاع و البطل خلاص هيعرف الحقيقه اهو اهو يع ايه الطعم ده
😫 كل سودانيه طلعت بايظه و طعمها وحش اوى 
:( اهو السودانيايه دى هى اللى بتبوظ القاعده و عادة بتبقى اخر حبايه و انت بتاكل
:D طب ايه سبب الطعم ده ؟؟
احنا اتكلمنا عن الفطريات قبل كده و لو ناسيين ايه هى الفطريات ممكن ترجعو للبوست تانى
المهم الفطريات دى بتعمل نوع من السموم اسمه افلاتوكسين
:O ده فيلم رعب جدا لان الافلاتوكسين مش بس مسرطنه لا دى كمان مبتطلعش من الجسم لا بينفع معاها ديتوكس ولا بينفع معاها عفاريت و الافلاتوكسين بيتواجد فى انواع معينه من الفطريات زى الاسبرجلس و انواع الاسبرجلس اللى بتعيش فى التربه و بتحلل النباتات الميته و الافلاتوكسين بتتخزن فى النباتات اللى بتتزرع فى التربه دى و لقوها خاصة فى السودانى و القمح و الذره و القطن و الارز و الفلفل الحار و البصل و السمسم و انواع تانيه كتير
:( و لما الحيوانات بتاكل الاكل اللى فيه افلاتوكسين بيتراكم فى لحمها زى ما حصل فى باكستان و الافلاتوكسين اتراكم فى البيض و لحم الفراخ (اللى هو الدجاج الذ الذ الذ)
مشكلة الافلاتوكسين كبيره بس الاكبر انه بيتراكم فى الكبد و بيسبب اورام خبيثه و تاكل ف الكبد لما بتزيد معدلها
و خطرها على الاطفال اكبر لان الاطفال مش بيتحملوها زى الكبار و بتعملهم تخلف عقلى و تاخر ف النمو و مشاكل تانية كتير
منظمة الصحه العالميه حددت ان اكبر نسبه من الافلاتوكسين فى الاكل لازم تبقى 20 ل 300 جزء فى المليار يعنى كل مليار جزء يبقى فيه 20 جزء افلاتوكسين و كده يبقى عالى كمان (ده انا واكله يجى نص طن
:D ) الافلاتوكسين مفيش حيوان يقدر يستحمله او يتخلص منه و بالتالى هو مش بس خطر على الانسان لا و ع الحيوان كمان
مصيبه كمان انه لما بيتهضم و يتحلل بيتحول لماده اكثر سمية اسمه ايبوكسيد دى ماده سامه جدا
:O طب نحمى نفسنا ازاى ؟
اولا نحاول نغير من اكلنا شويه و المفروض الحكومه تقيس نسبة الافلاتوكسين و تمنع الشحنات اللى فيها نسبه كبيره
:D مفيش مضاد تسمم للافلاتوكسين بس بيحصل رعاية مرضية لامراض الكبد على حسب شدتها فبيتم وضع محاليل بتحتوى على فركتوز و فيتامين K,B و بياخد المريض اطعمه محدده مبنية على البروتين عالى الجوده و محتوى كافى من الكربوهيدرات
:D فاحنا نخلى بالنا من نفسنا و بلاش كلمه دى بايظه بس و بلاش لا اغسليها هتبقى كويسه
:D #دمتم_سالمين
<3#MIKU
تعليقات
إرسال تعليق